STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 117 (Sad Christmas memory 1)

Previous Piece -- Next Piece

DRAMAS -- perform them for other children!
Plays for children to perform

117. Llakiy navidadkuna 1


Anaqa puñunampi kayman jaqayman tijraykachakushasqa. Jinallapi yuyarirpakusqa navidad kasqanta, imata jina phinkimusqa.

Ana: "¡Dani! Dani, ¿maypi kashanki?"

Dani: "¡Apurata punkuman jamuy, Ana!"

Ana: "¿Imatataj jawapi kay horas ruwashankirí? Resfriakunki qan ima nishankichus á."

Dani: "¡Ana, Papá Noel jamun! Qan mana kay lomasman jamunchu nerqanki. Jinapis puka chinelasta punkuyman saqepuwasqa, qhawariy apampuwasqanta."

Anaqa allinta qhawarisqa. Chanta chay chinelas ukhuman uj juch’uy yuraj musisito ch’uruykukusqa. Danitaj wasiman yaykupusqa.

Dani: "Kaytaqa Blanca nievesta sutichasaj, manchay kusisqa kashani."

Daniqa lecheta q’ñichispa qosqa misisitumanqa, Anataj awilitankoj tiyanan kasqan chayman churaykurispa qhawarisqanku. Chaypitaj yuyarikusqa imaynachus phisqa wata ñawpajta navidadta ruwasqankuta...

Chaypacha qanchis watayoj pay kashasqa, iglesiamanpis vecinanwan chanta chay visinaj wawan Lucas ima risqanku.

Manchay sumaj kasqa iglesiapi takurisqanku, jianta pastor juch’uy wawallaraj Jesús kashasqanmanta willasqampis. Lucasllata, mana rikuyta munasqachu, payllapaj imatapis chay chhujchasapa wawa munasqanrayku. ¡Anamanta kallpallawan t’antamanta navidadpaj osonta qhechusqa!

Anataj mana ujchhikitallantapis qorisqachu á, Ni imatapuni. Chanta Anaqa wasinman alliysituwan ripusqa manchay rit’i kasqanrayku. Kusikusqataj wasimpi fiesta suyashasqanmanta. Chanta tatan lllakisqa yaykushajta rikuspataj, manchharikusqa.

Ana: "¿Mamáyrí, astawan mana allinchu kashan?"

Papá: "Ari, Anitay, allin onqosqa kashan jinapis qanmanta tapurikun."

Anaqa ch’isitullamanta puñunannejman chimpasqa. Manapuni qonqasqachu imatachus maman ñak’ayllata nisqantaqa:

Mamá: "Ana, wawitay uj regalo qampaj tiyan: juch’uy hermanitoyki, sumajtapuni qhawanki chaychu."

Anaqa chay juch’uy wawata oqharispa wasi ukhumanta llojsisqa. ¿Imatataj chay niyta munanrí? Aswan ch’isinejta tatan payman chimpasqa.

Papá: "Anita, mamaykeqa manaña noqanchejwanchu kashan, navidadta festejashan janaj pachapiña. Pay yacharqapuni wañupunanta, chayraykutaj juch’uy Danita saqesorqai."

Tatampa makimpi atisqanta Ana waqarikusqa puñurpanankama. Chay wata navidadqa tukuymanta nisqa aswan llakiy kasqa, Anaqa llakiywan t’ukuspa nimatapis riparasqachu, jinapitaj awilitan chay wasi ukhuman yaykojtapis mana riparasqachu.

Dani: "¿Awilitay, janaj pachamanta willawayku?"

Danimanqa mayta gustasqa awilitan parlanan chay k’acha cheqamanta maypichus manaña waqana kasqachu chaymantaqa. Anatajrí manchay phiñasqa kashasqa Lucaspajqa, sapa kutilla maqanakoj kasqa. Mana sonqompi Jesúspaj campo kasqachu, chay chejnikuynintaj astawan astawan yapakusqa.

Qhepampi kaymanta astawan yachallasumpuni, chaykama.


Personajes: Relator, Ana, Dani, papá, mamá

© Copyright: CEF Germany

www.WoL-Children.net

Page last modified on April 27, 2021, at 12:19 PM | powered by PmWiki (pmwiki-2.2.140)