STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 116 (Bill‘s special Christmas tree)

Previous Piece -- Next Piece

DRAMAS -- perform them for other children!
Plays for children to perform

116. Napidadpi yuyarinapaj sach´a Billpata


Danilo: "¡Uumm kunanrí, tukurpakusqa navidadpaj sach’itasqa! qanimpaña rantinallaña nerqaykipuni mami."

Mamá: "Noqa chayratollaña rispa aswan baratowan tarisqayku nerqani, qan yachanki ana qonqenchej kashanchu."

Danilo: "Qayna Rosi Diosmanta mañakerqa uj navidad sach’itita. Rosiwan, wakinkuna ima waqanqankucha kunanqa."

Danilotaj tatampiñataj yuyallasqataj á. Manaraj wañupushaspa chay pachata jina sach’itan kasqantapuni, jinapi manaña tatan kajtin tukuy imapis ujina kasqa. Chay llajtapi tiyakoj wawakuna sapa navidadpi uj pino sach’itaman manchayta t’ikanchaj kasqanku, chaypaj jinatapuni sach’ata munashasqanku, wakin suyukunapi jinapuni manchayta navidadtaqa tukuy imata wakichispa suyanku.

Mamá: "Danilo, jaqaypi ujsitu kashanran. Allin p’unchay, chay sach’itata vendiway."

Hombre: "Kayta mana vendesajchu, wawasniypaj kayqa. Waqankumancha mana apapuyman chayqa, sumajllata kay fiestasta pasarikuychej."

Chayta niytawan chay runa ripusqa qhatunanmantaqa. Danilowan mamanwanqa chay chaynejmanta juch’uy choqasqa sach’itasta oqharikuspa llakisqas wasinkuman ripusqanku. Tawan imillitastaj wasi punkupi suyashasqanku.

Niña: "¿Manachu ni uj sach’itatapis apamunkichej?"

Mamá: "Mana, manaña kasqachu kunan imanasuntaj."

Q’ala uya p’akisqas yaykupusqanku ch’isitumanta mesa chimpasqanku mikhunankupaj. Rositaj chaykuti mikhunamanta Diosman agradecenan kasqa.

Rosi: "Munasqa Señor Jesús, mañakorqayki uj sach’itata, ¿manachu uyariwarqanki? Kunan jinallaña kachun, ancha tardeña kunanqa. Gracias mikhunata qowasqaykumanta, ajina kachun."

Aswan ch’isinejta, chay wawakuna puñunankupiña kashajtin, ujta Danilo yuyaycharpakusqa. Uj kuchilluta jap’iytawan pichana k’aspita llajllarasqa, chaymantaj chay juch’uy sach’a laqhesta jina mamanwan apasqankuta uj alambrewan sumajta watarasqa. Chay sach’a ruwasqan mana urmanampaj, uj baldemanta jallp’ata junt’aykuchispa sumajta oqhe papelwan forrarqosqa.

Mamá: "¡Danilo! ¡k’achito chay sach’itaqa k’achituta ruwarqosqanki waway! Kunan t’ikanchanapaj apamullasajña globosta chanta ángelta ima. Imillas kusikunqanku."

Rosipuni astawan tukuyninkumanta kusisqa kashasqa.

Rosi: "Danilo, kay jina k’achitu sach’aqa mana mayk’ajpi kapuwarqanchejchu. Jesús mañakusqayta uyariwan."

Manchay kusisqa mamankuta abrazasqanku, chanta mamánkoqa tukuyninkupaj ñawirisqa Jesúspa paqarisqanmanta:

(Hojear de Biblia)

Mamá: "... Maríaqa ñawpaj kaj wawitanta janantasman q’iruykuspa uj uywa mikhunanejman churaykusqa..."

¿Chanta imaraykutaj chaypa qhepampi ñawirillarqataj Jesús cruzman chakatasqa kasqanmantaqarí?

Mamá: "Jesucristoj cruzninqa cheqamanta uj sach’a karqa. Aswan valorniyoj sach’a navidadpi apaykachasqanku sach’amanta nisqaqa. Pesebrewan cruzwanqa khuskapuni rinku. Jesús jamorqa noqanchejnejta wañoj, mana cruzwanqa mana navidadpis kallanmantajchu."


Personajes: Relator, Danilo, mamá, hombre, niña, Rosi

© Copyright: CEF Germany

www.WoL-Children.net

Page last modified on April 27, 2021, at 12:15 PM | powered by PmWiki (pmwiki-2.2.140)