STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 116 (Bill‘s special Christmas tree)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

116. Bill sien besondra Wienachsboom


Bill: "Daut es oba sea trurich, aule Wienachsbeem sent vekoft. Mama, du hast to lanj jewacht."

Mama: "Ach, ekj docht, wan wie lota jinjen, dan sent dee billja. Du weetst daut doch, wie haben nich väl Jelt."

Bill: "Rosi haft jistren fa eenen Wienachsboom jebät. See woat enttäscht senen, un dee aundre Jeschwista uk."

Bill docht aun sienem Voda. Aus dee noch läwd, hauden see om dise Tiet aul längst eenen Boom.

Oba one am es välet aundasch.

Mama: "Bill, doa es noch eena. Gooden Dach, ekj mucht däm Boom."

Maun: "Däm vekjeep ekj nich, dee es fa miene Kjinja. Dee wudden sea enttäscht senen, wan ekj kjeenen haud. Frooet Fast!"

De Maun jinj wajch. Bill in siene Mama deeden de Taneasta, waut doa romlagen, opphäwen. Un dan jinjen see nohus. Vea Mäadches kaumen trurich no de Husdäa.

Mäadche: "Hab jie kjeenen Boom?"

Mama: "Nä, daut deit mie sea leet."

Stell saten see sich aula toom Owenkost aun däm Desch. Rosi wia aune Riej toom bäden.

Rosi: "Leewa Har Jesus, ekj haud die no eenen Boom jefroacht. Hast du mie nich jehieet? Moak die kjeene Sorjen doawäajens, nu es daut aul to lot. Danke, daut du ons to äten jefst. Amen."

Lota, aus de Mäadches to Bad wieren, haud Bill eene Idee. Iewalich deed hee in eenem Basemstäl Retze nenschnieden. Un dan deed hee de Tanenasta, waut see oppjehowen hauden, doa aundreien. Un doamet de Basem schmok stonen bleef, stopt hee däm in een Ama met Saunt un wekjeld brunet Papia doa rom.

Mama: "Bill, de Boom sitt schmok ut! Daut hast du sea goot jemoakt. Ekj hol de Kugle un de Enjel fa de Spetz. De Mäadches woaren sich oba wundren."

Rosi freid sich aum gaunz mieschten.

Rosi: "Bill, dit es de schmoksta Boom däm wie bat nu jehaut haben. Jesus haft mien Jebäd doch noch erhieet."

Jlekjlich sauten see aula dichtbie Mame aus see de Wienachsjeschicht väaläsen deed. (Blädren in de Bibel)

Mama: "Un Maria kjrieech äaren ieschten Sän un wekjeld am in Winjlen un läd am in eene Kjrebb."

Wuarom haft de Mame dan uk noch de Jeschicht jeläst woo Jesus aum Kjriez jenoagelt wort?

Mama: "Daut Kjriez vom Harn Jesus wia werklich een Boom. Een väl wichtkjra aus een Wienachsboom. De Kjrebb un daut Kjriez jehieren toop. De Har Jesus es opp de Ied jekomen om fa ons to stoawen. One daut Kjriez wudd Wienachten nuscht halpen."


Persoonen: Eena waut vetalen deit, Bill, Mama, Maun, Mäadche, Rosi

Copyright: CEF Germany

www.WoL-Children.net

Page last modified on April 29, 2020, at 04:52 PM | powered by PmWiki (pmwiki-2.2.140)