STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 115 (The greatest Christmas present)

Previous Piece -- Next Piece

DRAMAS -- perform them for other children!
Plays for children to perform

115. Uj sumaj waqe navidadpi


Niña: "Uuumm, navidad chamullanmanñapis á, imata jina suyashani. Kay watapaj imakunatachus mañakusqayqa askhapuni kashan."

Niño: "Noqajtapis á, tukuyllapis junt’akunman, manchaytapuni munashani uj celularta."

Unaysitutawanraj chaypajqa suyarinaykichej tiyan.

Niña: "Ari, ¡ujchhikantawancha!"

Manapunitajcha Simeón jinapunichu suyanqanku.

Niño: "¿Simeón? ¿Pitaj chayrí?"

Simeonmantaqa Bibliapi nin kay jina kasqanta: manaña chhika waynachu, mana viejito ninapaj chayta nishani. Pay kawsasqa Jerusalénpi, chanta manchay fielpuni kasqa Diostatamanqa, suyasqataj 40 watakurajta tumpitatawanrajchus, imachus munasqan junt’akunampajqa.

Niña: "¿Chay chhikata? Chanta ¿imataj karqa may suyasqan deseonrí?"

Chay munaspa suyakusqanqa karqa, Diospa nisqan.

Dios: "Simeón, wañunki kay pachaman Salvador chamojta rikuspa."

Simeónqa chhika unayta suyanan kajtimpis, ni jayk’aj suyakuyninmanta q’enakusqachu. Imaraykuchus payqa sumajta yacharqa Diospa nisqampi suyakuna kasqantaqa. Uj p’unchaytaj temploman risqa. Chay p’unchaypunitaj rillasqankutaj Maríawan Joséwampis juch’uy wawa Jesús ichurisqa. Chayta Simeón rikuytawantaj yachasqapacha:

Simeón: "Kaymin chay Salvadormanta nisqaqa."

¡Simeónqa Jesús rikusqa! imatachus maytapuni deseasqanqa junt’akusqa. Salvadorta rikusqanqa manchayta kusichisqa tukuy kay pachantinmanta waqeykunamanta nisqapis. May kusikuywan marq’ariykukusqa juch’uy wawa Jesustaqa, makimpi jap’ispataj orayta qallarisqa:

Simeón: "Señor, kunanqa sonqo junt’asqa wañupusaj, imaraykuchus rikuni imatachus niwasqayki junt’akojta. Kay ñawisniy rikun kay pachata Salvajta."

Uj takiyta qhelqarisqanku Simeónmanta kay jinata.

(Música)
Uj machu runaña karqa, allin machituña Simeón sutiyoj.
Imatachus mayta munaspa suyasqanqa junt’akorqa Diospa Churinta rikusqantawan.
Jamuy, jamuy noqaman, Señor, sonqoyta kichariyki.
Jamuy, jamuy noqaman, Señor, sonqoyta kichariyki.

Mana yachanichu tukuy imakunatachus navidadpaj deseasqasniyki junt’akunqachus manachus chaytaqa. Jinapis yachani, chay takiypa nisqantachus qan deseanki chayqa, kunampachamin junt’akonqa, Diosqa kawsayniykipi sonqoykita kicharejtiyki tiyakonqa.


Personajes: Relator, niña, niño, Dios, Simeón

© Copyright: CEF Germany

www.WoL-Children.net

Page last modified on April 27, 2021, at 12:12 PM | powered by PmWiki (pmwiki-2.2.140)