STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 118 (Sled crash 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

118. Schneeschläden-krachen toop 2


Wurscht du uk leewa met däm Schläde ooda Bicie to School foaren aus met däm Schoolbuss?

Annett un Lukas, dee in de Schweiz wonen, joagen jieden Zemorjens met däm Schläden rauf. Oba nich toop. Wiels see kunnen sich nich vedroagen. Wuarom es daut soo schwoa, sich to vedroagen? Aune Dinsdach es waut passieet. Lukas wull daut nich. Hee deed daut werklich nich met welles. Hee deed sea bosich foaren un dan stad sien Schläde met Annett äaren toop. Un see fol im Growen nen.

Annett: "Du doma Esel! Kaunst du nich opppaussen? Hast du kjeene Uagen im Kopp?"

Lukas: "Annett, daut deit mie leet. Wacht ekj halp die."

Annett: "Veschwinj hia! Diene Help bruck ekj nich."

Lukas: "Doo die doch nich soo oppräajen du bleede Kos."

Gaunz derchjefroaren un met naute Biekja kaum Annett väl to lot no de School.

Liera: "Annett, waut es passiet?"

Annett: "Daut es Lukas siene Schult. Hee haft mie im Growen nenjeschupst. Un dan es hee wajchjerant un haft mie auleen jeloten."

Aula hauden Metleet met Annett, un Lukas däm wort bees aunjekjijt. Daut wisst ji uk kjeena, daut Annett in äarem Hoat krajt soo schlajcht wia aus Lukas. Aule Klaussenfrind stunden bloos Annett bie, wiels see haud ji uk kjeena Mutta.

Menschen seenen bloos waut buten es, oba Gott sitt daut Hoat aun.

Eene stelle Stemm säd to Annet un Lukas daut Hot Sind es. Oba kjeena wull däm ieschten Schrett doonen. Un soo wort aules bloos noch väl schlema.

Im Frielinj, aus de Schnee jeschmolten wia, bejäajend Lukas in de Boaj Dani met sienem witten Mietzkji.

Lukas: "Waut deist du doa?"

Dani: "Ekj doo fa Annett Bloomen pläkjen."

Lukas: "Soo, soo, fa Annett. Diene Sesta es dom!"

Lukas naum Dani de Bloomen wajch, un schmeet dee opp de Ieed un vetraumpeld dee.

Dani: "Daut saj ekj mienem Papa."

Lukas: "Daut woascht du nich doonen."

Lukas naum Dani sien Kautkji un hild daut äwa däm Aufgrunt. Un dan jinj aules sea schwind. Schneewittkjen deed Lukas krautzen, un dan leet hee daut faulen. Dani met siene fief Joa klautad daut hinjaraun, rutcht ut, un foll gaunz deep rauf. Lukas kjijd am ganz vetwiewelt hinjaraun.

Lukas: "Dani, Dani, läfst du noch? Saj doch waut."

Kjeene Auntwuat kaum. Lukas kjijd sich om un rand nohus. Hee vestopt sich ene Schien un hield un hield.

Waut dan passieed, daut verod ekj die biem näachsten Spell toom horchen.


Persoonen: Eena waut vetalen deit, Annette, Lukas, Liera, Dani

Copyright: CEF Germany

www.WoL-Children.net

Page last modified on April 29, 2020, at 04:59 PM | powered by PmWiki (pmwiki-2.2.140)