Home -- Macedonian -- Perform a PLAY -- 013 (Gifts for Jesus)
13. Дарови за Исус
Томе гледаше како дедо му изработува дрвени фигури за сцена. Изгледаа како вистински – овчарите, Јосиф и Марија и бебето Исус. Како што минуваше времето, тој се измори и заспа.
Тој ја сонуваше шталата во Витлеем. Оф, си помисли Томе, јас навистина можам да се доближам до јаслите.
Се приближи и одеднаш се натажи. Потоа Исус му проговори.
Исус: „Зошто си толку тажен?“
Томе: „Затоа што не ти донесов подарок“.
Исус: „Не биди тажен. Јас од тебе сакам само три нешта“.
Томе: „Ќе ти дадам сѐ што имам. Мојот електричен воз, моите компјутерски игри, и…“
Исус: „Не, тоа не е она што јас го сакам од тебе; Тоа не е причината поради која дојдов од небото на земјата“.
Томе: „Тогаш што?“
Исус: „Дај ми го твојот последен тест по математика“.
Томе: „Но за него јас добив тројка“.
Исус: „Го сакам токму поради таа причина. Сакам секогаш да Ми го донесеш тоа што не ти е доволно во твојот живот. Ќе го направиш ли тоа?“
Томе: „Да, ќе го направам“.
Исус: „Вториот подарок што го сакам е твојата чинија за житарки“.
Томе: „Не можам да Ти ја дадам бидејќи ја скршив“.
Исус: „Ја сакам токму поради таа причина. Сакам секогаш да ми го донесеш тоа што е скршено во твојот живот. Ќе го направиш ли тоа?“
Томе: „Да, ќе го направам“.
Исус: „Сега, во врска со Мојата трета желба. Томе, го сакам одговорот што ѝ го даде на мајка ти кога те праша како ти се скрши чинијата за житарки“.
Тогаш Томе почна да плаче и срцето му беше скршено.
Томе: „Јас… Јас ја излажав“.
Исус: „Томе, твоите лаги, твојата непокорност, секое злобно нешто во твојот живот – можеш да Ми ги донесеш Мене – целиот твој живот. Јас ти простувам и ќе ти помогнам да живееш на правилен начин. Јас секогаш ќе бидам со тебе и ќе ти го покажам патот во животот. Го сакаш ли тоа?“
Томе многу го сакаше тоа! Оттогаш тој веруваше во Исус и Му беше послушен.
Улоги: Раскажувач, Томе, гласот на Исус.
© Copyright: CEF Germany