STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 018 (Breakfast per airmail 3)

Previous Piece -- Next Piece

JISCKÁ UÑANCHAWINACA – ¡yakha wawanacataqui uñanchtáyam!
Jiscká uñanchawinaca uñanchawinaca wawanacataqui

18. Alajjnäma mank’a Elíasataqui 3


Lakaquiwa Elías profetajj reyin palaciopat mistuwayäna. Khanpach yatisïna juc’amp janiw ucancjjañapäcänti, jan wali reyejja cunjamatsa jiwayañ munaspänwa. Ajjsarañapajj janiw utjcänti cunalaycutejj Diosajj arsutap phokherïtapjja yatïnwa uqhamaraqui janiw juparojj apanuc-caspänti. Uqham lup’iscän uqhajja profetajja khanpacha Dios arsutap ist’atayna.

Diosajj sänwa: “Elías, sarjjam acata. Inti jals tokeru saram Querit larkaquisa ucar imantasim. Uca larkat umasïta uqhqmarac nayaw mank’a apayanïma.”

¿Yat-tati cunjams Diosajj uc lurawayi?

Cuervo sata jamach’inaca qhitatayna aychs t’ant’sa Elíasaru apaniñapataqui. Chekpachajja, alwas jaypusa alajjat mank’ajj purinïna.

Diosajj arsutap phokheriwa. Sirviriparojja take cuntejj necesitcänjja uc churäna. Mä imantasiña, mank’a uqhamaraqui umaña. Waljaninacaw ucapachajja wal t’akhesipjjäna. Jayawa jan jalljjänti ucatsti take cunaw wañant’jjäna. Ucatwa mank’añajj jan utjcänti. Juc’at juc’at Querit larkasa wañt’jjaraquïnwa. Uqhamasti Diosajj Elíasarojja mä thaqui uñacht’ayatayna uqhamat korpa pasañapataqui uqhamaraqui Sarepta satäqui ucar sarjjañapataqui.

Cunapachatejja uca marca puncur purcatayna ucjajja mä warmimpiw jict’asitayna ucastï mayiraquitaynawa:

Elías: “Mä vaso uma mä jisca t’ant’ampi wajjt’ita, ämpi.”

Pobre warmisti llact’atawa uñcatatayna uqhamaraqui c’achat satayna:

Warmi: “Janiw cunajjas utjquituti. Mä phojjtu jac’uquiwa uqhamarac mä juq’ita aceitimpi. Take ucaquiw utjitu. Anchhita phäña apthapisiscäyata wawajjätaqui uqhamarac nayataqui mä juc’a phayt’añataqui. Ucajja khepa mank’ajjaniwa ucatsti… jiwjjapjjäwa.”

Elías: “Jan ajjsaramti. Diosaw jumar qhitanitu. Jupajj siwa jac’ojj janiw tucuscaniti uqhamarac aceitis janiw juc’ac-kaniti cunapachatejj jallujj wastat jutjjani ucqhacamajja.”

¡Diosajj phokheriwa! ¡Diosajj arup phokheriwa! Cuntejj sawaycatayna ucajj phokhasiwa. Jac’ojj janiw tucuscänti aceitis wañt’caraquïnti, sapürusa ucat mank’ phayascatapatsa. Elías profeta, uca warmi uqhamaraqui wawapa jupanacataquejja sapüruw mank’ajj utjäna. ¿Janit ucajja muspharañaqui?

Diosajj arup phokheriwa ¡Qhitis juparojj confiaspawa!


Uñstirinaca: Parliri, Dios, Elías, warmi

© Copyright: CEF Germany

www.WoL-Children.net

Page last modified on August 07, 2023, at 08:43 AM | powered by PmWiki (pmwiki-2.3.3)