STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 017 (So courageous 2)

Previous Piece -- Next Piece

DRAMAS -- perform them for other children!
Plays for children to perform

17. Aca yatiñapataqui 2


Walpin jalluscäna. Mä kaukha urunacanjja jardinanacas, yapunacas uqhamarac parquenacasa jach’a pharatwa jacatatawayatayna.

¿Qhitis jalljja ucjarupini apayanïnjja? ¿Qhitis take cunsa jacayascänjja?

Israel marcan jacäwipanjja mä pachawa utjäna cauqhantejj niya takenïwa mä sap Dios utjatapjja armasipjjatayna uqhamaraqui jupänwa qhititejj jallsa lupsa apayanënjja ucja.

Lawat kalat diosanäcwa lurasipjjatayna. Mayarusti Baal sapjjänwa uqhamasti aca ina idoloruw jakenacajj juyranac, frutanaca uqhamarac walja uywanaca churcaspa uqham amuyapjjäna.

Take acatakejja, Acab jupaw juchanïna.

Take acasti kalltawayiwa cunapachatejj pantjasitayna jan wali warmimpi casarasisna. Jezabel warmisti mä marca kauqhantï jan chekpach sapa Diosaru uñt’apcänjja ucat jutatayna. Israel marcarusti jupan Baal ucar yupaychaña apanitayna. Acab jupasti iyawsataynawa uca Baal ina idolur yupaychañataqui uqhamatwa jucat jucat marcasti pachprac luratayna.

Janiwa, janiw takenijja. Elías jupasa janiraquiwa. Jupajja qhitinacatejj chekpach Diosar arcapcänjja ucanquirïtaynawa

Mä urusti, oración luratayna.

Elías: “Dios Tatay, quimsa marpacha jan jallojj purpanti uc maysma all uqhamana aca marcajj yatiñapataqui Diosajj juma sapaquïtawa, qhititejja jallsa uqhamaraqui take cun churirejja.”

Elíasasti sum yatïna Diosajja jupa sapa uqhamaraqui chekpach Diosatapjja uñacht’ayaniwa.

Janc’aquiwa reyen palacioparujja saratayna. Jan qhitir cuns sasina cauqhancäntejj rey Acab jupajja ucjacamaw mantatayna.

Jan ajjsarasa rey nayrakataruwa sayt’atayna, saraquitynawa:

Elías: “Rey Acab, cunjamtejj nan Diosajjajj jacquejja, jutir maranacanjja janiw jallujj purcaninti, mä ch’akaquisa. Mä sapa jacquir Diosaquiw utji uc uñjäta.”

Janïrara Acab jupajja cuns sisquipana, Diosan qhitatapajja niyaw sarjjatayna.

Ucjjarustï…

Cunatï jutqui ucjja mayan uñjj-jjata.


Uñstirinaca: Parliri, Elías

© Copyright: CEF Germany

www.WoL-Children.net

Page last modified on October 08, 2018, at 10:15 AM | powered by PmWiki (pmwiki-2.2.109)