Home -- Guarani -- Perform a PLAY -- 017 (So courageous 2)
17. Ipy´aguasuetereíva 2
Okyeterei ningo. Ndohasái heta ára ha ka’avokuéra hokypaite jevy, kapi’ikuéra heñói joa, pe sequía opyta tapykue.
¿Máva piko ombou ama oñeikotevëve jave? ¿Máva piko ome’ë tekove opavave tekovépe?
Tetä Israel-pe oikóva guive ningo py’ÿinte hesaraiva’ekue oïha peteï Ñande Jára, ha’éva ñande apohare, ha’éha upe ome’ëva ama ha kuarahy.
Israelitakuéra ojapova’ekue ta’anga yvyraguigua, avei itágui. Peteïvape ohenói hikuái Baal, ha’ekuéra oimo’ä upe ta’anga ndoguerekóiva tekove ikatuha ome’ë chupekuéra yva, ka’avo, mymba ha ambuéichagua tembi’u oikotevëva upérö.
Ha upe oïva ä mba’e rapykuéri ningo Acab.
Umi mba’e oñepyrü Acab omendáramo guare peteï kuña ndogueroviáiva Ñandejá-rare, upe kuña herava’ekue Jezabel, ha’e oikohápe avavete voi ndoikuaái Ñande Járape. Omendáramo guare, upe kuña ogueru hendive ijerovia ta’anga Baal rehe.
Iména Acab oheja umi mba’e oiko, ha’e avei omomba’eguasu upe ta’angápe, mbeguekatúpe israelitakuéra avei omomba’eguasúma upe ta’angápe.
Ndaopavavéi ningo ojapo upéva. Elías ojerovia Ñandejárare ha nomomba’eguasúi Baal-pe.
Peteï ára oñembo’e kóicha:
Elías: "Ha... Ñandejára, ajerure ndéve, mbohapy ary aja ani haçua oky ko tetäme, toikuaa hikuái nde ha’eha Ñandejára tee, reme’ëva ama ha opaite mba’e."
Elías oikuaa porä Ñandejára ohechaukataha ipokatu, maymáva oikuaa haçua ha’eha Ñandejáratee, ndaiporiha ambue.
Oguata pya’e porä ha oho palacio-pe rey rendápe. Omombe’u’ÿre mba’eräpa oho, oike korapýpe, upéi oguata pe pasillo rupi ha oike kotyguasu oïhápe rey Acab.
Okyhyje’ÿre oñembo’y rey Acab renondépe ha he’i chupe:
Elías: "Rey Acab, Ñandejára ningo ñande Apohare, ha’e añeteháicha, umi ary oútavape ndokymo’ävéima, ni michïmi ysapy jepe ndiporimo’äi. Rehecháta Ñandejára peteïnteha, avei Ipokatu."
Acab ombohovái mboyve mba’eve, Ñandejára remimbou, Elías, ojevy ha oho.
Ha upéi piko mba’e ojehúra’e…
Pe otra semánape jaikuaáta.
Personajes: Relator, Elías
© Copyright: CEF Germany