STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 017 (So courageous 2)

Previous Piece -- Next Piece

DRAMAS -- perform them for other children!
Plays for children to perform

17. Himo suusi reedu fota 2


Hari ndiyan ɗan no saaƴude fota. Hino foti! E nder balɗe seeɗaaje, tutateeriiji ɗin e gese ɗen fuɗɗike fuɗitude ka hokkere.

Ko hombo addata ndiyan e saa'i hawruɗo on? Ko hombo ayni kala ko wuuri?

E nder leydi Israa'iila ndin, hino woodi saa'i ka tawata fayda yimɓe ɓen fow yejjitii wondema ko Alla gooto woodi e ko kanko woni ko yeɗata ndiyan e naange. Yimɓe ɓen moƴƴinanii hoore maɓɓe allaaji lesiraaɗi leɗɗe e kaaƴe. Goɗɗo e ɓen allaaɓe ko Baalu woni ko o noddirtee, hiɓe sikka wondema hiɓe hendaade nenɗe e dimɗe e gureele e juuɗe ndun sanamuuru maydu.

On fawtiiɗo ngal dewal aaliingal ko oo lanɗo wi'eteeɗo Akaabu.

Ɗun fow fuɗɗaade woo ko o jombi oo debbo kaana jikkuujo. Isabeelu ko e leydi ka Alla tigi tigiijo on anndaa ɗon woni ko o jibinaa. O addori diina makko kan, ɗun ko rewugol nduu sanamuuru wi'eteendu Baalu wonande e leydi Israa'iila ndin. Oo lanɗo wi'eteeɗo Akaabu o newinanii kanko kadi rewugol ndun sanamuuru wi'eteendu Baalu, jamaa on fow iwtiri ɓaawo makko e nder ndun muraadu.

Hinaa non ɓe fow. Iiliiya kanko o jaåaali ɗun. Himo tawdaa e ɓen sella findeeɓe maɓɓe telenma Alla ɓe laataaki aalaade.

Ɲannde goo, o torii :

Iiliiyaa : "Yaa an Alla, mi torike ma, hita a saaƴin ndiyan e nder duuɓi tati, fii no jamaa on fow anditira wonde ko an woni Alla gooto on, on yeɗoowo ndiyan e nguuree."

Hari Iiliiya no felliti kanko Alla o hollay yimɓe fow wondema ko kanko woni Alla bajjo on. Ɗun e yaawude, Iiliiyaa ɓadii suudu lanɗo on. Tawandema o saatinaaka, himo yaha ka boli haa o hewta ka jullere laamu nden woni ɗon, ka Akaabu lanɗo on jooɗii ɗon.

O ndaarii yeeso lanɗo on ɓaawo kulol, o wi'i mo :

Iiliiyaa : "Ko an yo lanɗo Akaabu, Joomiraaɗo jom ngurndan ɗan, on mo mi woni e kurkanaade! E nder ɗii duuɓi tati ɗoo, caawa waɗataa, ndiyan saayhataa. Telenma ɗun, on anday wonde ko Alla gooto jom ngurndan on woni ko wooda."

Adalde yo Akaabu waawu yewtugol kongol gootol, tawi Iiliiyaa mutiino. E hin-le non?

Hiɗa waawi nanude ko feƴƴi kon ɓawto ɗun, si a heɗoyike taariika aroyoowo on.


Yewtooåe : Fillitotooɗo, Iiliiyaa

© Copyright : CEF Allemagne

www.WoL-Children.net

Page last modified on December 07, 2021, at 08:25 AM | powered by PmWiki (pmwiki-2.3.3)