STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 076 (Three lies in one night) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 67. اِک رات وچ تین جھوٹپطرس: ”نئیں ایہہ سچ نئیں اے! میَں ایس طرح کدی نئیں کراں گا۔“ کدی کدی پطرس وکھاوے لئی وی اگےآجاوندا سی، پرمینوں یقین اے پئی جہیڑی اوہدی سوچ ہوندی سی اوہ ای آکھدا ہوندا سی۔ پطرس: ”ایہہ میرے نال کدی نئیں ہوسکدا۔“ کیہ تُساں کدی ایس طرح سوچیا اے؟ پطرس نوں پورا یقین سی، پہلاں رات دے ویلے جدوں اوہ یسوع تے دوجے چیلیاں دے نال ٹُریا جاندا سی۔ ہنیراسی تے ہور اداسی چھائی ہوئی سی، جدوں یسوع اچانک ٹُردے ٹُردے رُک گیا تے اوہناں نال گل کیتی۔ یسوع: ”اج رات نوں ای تُسی سارے میرے کولوں وکھ ہو جاوو گے تے میرا انکار کرو گے۔“ پطرس: ” کدی نئیں، تے جے باقیاں نے تینوں چھڈ دِتا تاں وی میَں ایس طرح کدی نئیں کرسکدا۔“ یسوع ساڈے دِلاں نوں جاندا اے۔ یسوع: ”پطرس، میَں تینوں جاندا اَں۔ اج کُکڑ دے بانگ دین تھوں پہلاں توں تین وار ایہہ آکھیں گا پئی تُو مینوں نئیں جاندا۔“ پطرس: ”خداوند یسوع، میَں ایس طرح کدی نئیں کراں گا؛ میَں مر جاواں گا پر تیرا انکارنئیں کراں گا۔“ دوجے چیلیاں نے وی بالکل ایہو گل آکھی۔ پر یسوع بہتر جاندا اے۔ ایہدے کجھ ای چِر بعد جدوں یسوع دے دشمن اوہنوں بنھ کےلے گئے تےاوہدے سارے چیلیاں نے اوہنوں چھڈ دِتا۔ پطرس وی ڈریا ہویا سی۔ پر اوہ بڑا دُور رہ کے یسوع دا پیچھا کردا پیا سی، کیوں جو اوہ ویکھنا چاہندا سی پئی اوہ اوہدے نال کیہ کرن والے نے۔ پطرس: ”اوہ اوہنوں کِتھے لے کےجاندے پئےنے؟ کِتے سردار کاہن دےمحل وچ تے نئیں؟ میرا کیہ ہووےگا؟ چنگا ہووے جے کوئی میرے اُتے ناں ای دھیان دیوے تے فیر اوہ مینوں گرفتارنئیں کرن گے۔“ پطرس آپنے مالک دے دشمناں دے نال بہہ گیا۔ تے اوہناں دے نال ویڑے وچ اگ سیکدا پیا سی۔ کیہ اوہ تھاں اوہدے لئی چنگی سی؟ یسوع دا بیلی اوہناں دے نال جیہڑے یسوع نال نفرت کردے نے۔ پہلی خادمہ: ”اوئے توں، توںمینوں جانیا پچھانیا لگدا پیا ایں۔ کیہ توںوی یسوع دے نال نئیں سیں؟“ پطرس: ”میَں؟ تینوں ایہہ خیال کِتھوں آگیا؟ مینوں نئیں پتہ توں ایہدے بارے وچ کیوں گل کردی پئی ایں؟“ دوجی خادمہ: ”ویکھو، ایہہ وی یسوع دے نال سی۔“ پطرس: ”ایہہ سچ نئیں اے۔ میَں تے اوس آدمی نوں جاندا وی نئیں اَں۔“ خادم: ”کوئی وی ایہہ آکھ سکدا اے۔ بالکل توں یسوع دے نال سی۔ تیریاں گلاں توں پتہ چلدا پیا اے۔“ پطرس: ”بند کرو ایہہ چُٹھیاں گلاں۔ میَں تہانوں دسیااے، میَں یسوع نوں نئیں جاندا۔“ (کُکڑ دی بانگ دی واج) پطرس نے حیرانگی نال ایدھر اودھر ویکھیا۔ اوس ویلے او ہ یسوع نوں لے کے جاندے پئے سن۔ جدوں اوہ کولوں لنگیا تے پطرس نوں دُکھی ہو کے ویکھیا۔ یسوع دا اوہ گھورنا پطرس دے دِل وچوں ہو کے لنگیا۔ پطرس نوں یاد آیا پئی یسوع نے کجھ گھنٹے پہلاں کیہ آکھیا سی۔ پطرس نے یسوع دے نال بے وفائی کیتی۔ تے اوہ بڑا شرمندہ سی۔اوہ باہر گیا تے زارو زار رویا۔ کیہ اجے وی اوہ ایہہ جاندا سی پئی یسوع ایہہ سب کجھ ہوون دے بعد وی اوہنوں پیار کردا اے؟ لوک: بیان کرن والی، یسوع، پطرس، دوخادمہ، خادم حقوق: بحق سی ای ایف جرمنی محفوظ نے۔ |