STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 075 (Special binoculars) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 57. خاص دُور بینکیہ تہانوں پتہ اے پئی پیغمبر کیہ ہوندا اے؟ سارہ: ”خدا اوہنوں آپنے منصوبے دسدا اے۔“ ایسمس: ”اوہ آون والے ویلے دی خبردے سکدا اے۔“ ایہہ وی آکھیا جا سکدا اے پئی پیغمبر اوہ ہوندا اے جہدے کول خدا دی خاص دوربین ہوندی اے۔ اوہ دوربین جہدے نال اوہ آون والا ویلا ویکھ سکدا اے تے اوہ جو ویکھ سکدا اے اوہ کوئی ہور نئیں ویکھ سکدا۔ زکریاہ نے وی آون والا ویلا ویکھیا سی تے اوہنے اوہ لکھ لیا جو خدا نے اوہنوں وکھایا۔ بائبل دی ایہہ ایت پڑھو: کُڑی: ”اے یروشلیم بڑی خوشی منا۔ تیرا بادشاہ تیرے کول آوندا اے، صادق تے فتح مند، حلیم تے گدھے تے سوار۔“ خدا نے جو پہلاں دسیا اوہ ای ہویا۔ زکریاہ نے پہلاں ای جو ویکھیا سی اوہ حرف بر حرف ۰۰۵ ورھیاں بعد پورا ہویا۔ یسوع یروشلیم دے راہ اُتے جاندا پیا سی۔ اوہ اک نِکے پینڈ وچ آیا۔ اوہنے آپنے چیلیاں وچوں دو نوں اگے گھلیا۔ یسوع: ”سامنے والے پینڈ وچ جاوو۔ اوتھے تہانوں اک گدھا ملے گا۔ اوہنوں کھول کے میرے کول لے آوو۔“ چیلا: ”کیہ اسی اوہنوں ایسے طرح لیا سکدے اَں؟“ یسوع: ”جے کوئی تہانوں پوچھے پئی تُسی گدھے نوں کیوں لے کے جاندے پئے ہو، تے اوہنوں دسنا پئی خداوند نوں ایہدی لوڑ اے۔“ چیلا: ”جس طرح تُسی آکھو اسی اوسے طرح کراں گے۔“ (پکی سڑک اُتے پیراں دی واج) دو لوک نِکے پینڈ وچ گئے تے بالکل اوسے طرح ہویا جس طرح یسوع نے آکھیا سی۔ اوہناں نے گدھے نوں لبھ لیا تے اوہنوں کھولیا۔ گدھےدا مالک: ”بھائی، تُسی دونہویں کیہ کردے پئے ہو؟ ایہہ گدھا میرا اے۔“ چیلا: ”خداوند نوں ایہدی لوڑ اے تے ایہنوں لیاون لئی سانوں گھلیا اے۔“ گدھے دا مالک: ”تہاڈے خداوند نوں؟ چنگا، فیر۔ ٹھیک اے۔ سب ٹھیک اے۔ ایہنوں لے جاوو۔“ (پکی سڑک اُتے پیراں دی واج) چیلے گدھے نوں مُڑ یسوع کول لیائے، آپنے کپڑے اوس جانور اُتے پائے تے یسوع اوس گدھے اُتے چڑھ گیا۔ دوجیاں نے آپنے کپڑے دھرتی اُتے وچھائے تے کھجوراں دیاں ٹہنیاں نوں ہلا ہلا کے اوہنوں جی آیاں نوں آکھیا۔ اوہناں نے یسوع دے آون اُتے بڑی خوشی منائی۔ لوک: ”اے یروشلیم وڈی خوشی منا، تیرا بادشاہ تیرے کول آوندا پیا اے۔“ لوک: ”ہوشعنا! بادشاہ نوں جی آیاں نوں جیہڑا خداوند ولوں آوندا اے۔“ لوک: ”ہوشعنا! ساڈی مدد کر! توں ای ساڈا بادشاہ ایں۔“ اوہ ایسا بادشاہ چاہندے سن جیہڑا اوہناں نوں روٹی دیوے، جیہڑا اوہناں نوں رومیاں دے ظلم تھوں بچاوے۔ پر یسوع اینہاں کماں لئی نئیں آیا سی۔ ناامید ہو کے اک ہفتے بعد اوہ چیکے: لوک: ”سانوں ایہدی لوڑ نئیں۔ ایہنوں دُور لے جاوو۔ ایہنوں صلیب دیو۔“ اوہناں لوکاں نے ایہہ ناں جانیا پئی یسوع اوناں نوں کھان پین نالوں کِتے ودھ کے دینا چاہندا اے۔ اوہ بادشاہ، اوہناں دیاں زندگیاں اُتے حکومت کرنا چاہندا سی۔ میَں بڑ ی خوش اَں پئی اوہ ساڈی زندگی وچ وی ایہو کرنا چاہندا اے۔ لوک: بیان کرن والی، کُڑی، منُڈا، یسوع، چیلا، کھوتے دا مالک، لوک حقوق: بحق سی ای ایف جرمنی محفوظ نے۔ |