STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 074 (Beating the innocent 2) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 47. معصُوم نُوں مارنا ۲نواں اُستاد بڑا فرق سی۔ سگوں جِم جیہڑا پہلاں شیخی ماردا سی ہن اُستاد دے پڑھان دے طریقے بارے چپ سی۔ اُستاد نے دُعا کیتی تے فیر دوجا صدمہ آیا۔ اُستاد: ”جے اسی اک دوجے نال مل کے کم کرنا چاہندے اَں تے سانوں سکول لئی نوے اصولاں دی لوڑ پووے گی۔ تے میَں چاہندا اَں پئی تُسی آوو تے ایہہ اصول بناوو۔“ ایہہ سُن کے تے جِم دا جیویں ساہ ای رُک گیا۔ ایس تھوں پہلاں ایسا کجھ نئیں ہویا سی۔ سکول دی بچی: ”اک دوجے دی نقل ناں کرئیے۔“ اُستاد: ”ایہہ چنگا اے۔ پر اصولاں دا فیدا تاں ای ہووے گا جدوں اوہناں اُتے عمل ناں کرن دے بدلے وچ سزا ملے۔“ جِم: ”جیہڑا نقل کرے اوہنوں تین واری سوٹی نال ماریا جاوے۔“ آہ! پہلاں وی بچیاں نوں سوٹی نال مار پیندی سی۔ اُستاد نے ایہہ اصول تے دوجے اصول چاک نال تختے اُتے لکھ دِتے۔ کجھ ہفتیاں لئی، سب کجھ ٹھیک رہیا۔ پر اک سویر، اُستاد جماعت وچ آیا تے بڑا اُداس سی۔ اُستاد: ”آپنیاں کتاباں بند رکھو۔ میرے کول اک بُری خبر اے۔ کسے نے سکول دے اصولاں نوں توڑیا اے تے جِم دا کھانا چوری کر لیا اے۔ کیہ گنہگار آپنے گناہ نوں منَے گا؟“ ہر کسے نے آپنا ساہ روک لیا۔ نِکا ٹوم، جیہڑا ساریاں نالوں اگے بیٹھا سی، رُک رُک کے بولیا: ٹوم: ”م م۔۔۔ ایہہ میَں کیتا اے۔ میَں ساں۔۔۔ مینوں بڑی بھُک لگی سی تے میَں اوہ کھا لیا۔ میَں بڑا شرمندہ اَں۔“ ٹوم دے ماں پیو بڑے غریب سن تے اوہناں کول اکثر کھان لئی پیسے نئیں ہوندے سن۔ کوئی وی ایہہ نئیں چاہندا سی پئی اوہنوں سزا ملے۔ پر اُستاد لئی اصولاں نوں پورا کرنا ضروری سی۔ اُستاد: ”تُساں لوکاں آپ ای اصول بنائے نے: قصوروار نوں سزا ملنی چاہیدی اے نئیں تے ہور کوئی وی اصولاں نوں نئیں مَنے گا۔ ٹوم، جماعت دے سامنے آ۔ تینُوں چوری لئی دس واری سوٹی نال ماریا جاوے گا۔“ اُستاد نے سوٹی پھڑی۔ جِم: ”ٹھہرجاوو، ایہہ میریاں دو روٹیاں سن، میَں ایہنوں معاف کردا اَں۔“ اُستاد: ”جِم، ایہہ تیری مہربانی اے، پر فیر وی سزا تے ملنی چاہیدی اے۔“ جِم: ”تے فیر مینوں مار لوو پر ٹوم نوں کجھ نہ آکھو۔“ اُستاد: ”ٹھیک اے۔ ایہہ ہو سکدا اے۔ اصول ایہہ آکھدا اے پئی ۰۱ سوٹیاں، پر ایہہ نئیں پئی کیہنوں ماریا جاوے۔“ فیر جماعت دے سارے بچیاں نے ایہہ ویکھیا پئی کس طرح اک بے قصور نوں مار پئی جد کہ چور نوں سزا ملنی چاہیدی سی۔ ایہہ جِم تے ٹوم دی دوستی آغاز سی۔ ہر کسے نے فیر بڑے دھیان نال سُنیا جدوں اُستاد نے اوہناں نوں یسوع دے بارے وچ دسیا، جہنے دُنیا دے ہر بندے دی سزا آپنے اُتے لے لئی۔ اُستاد: ”مبارک جمعے دا دِن سانوں یاد کراوندا اے پئی یسوع بے قصور اے تے اوہنے ساڈی تھاں سزا برداشت کیتی۔ اساں ساریاں نے خدا دے اصولاں نوں حد نالوں بہتا توڑیا اے۔ ایس لئی یسوع نے ساڈی تھاں آپنی مرضی نال خود نوں سزا لئی پیش کیتا۔ اوہنے موت دی سزا لئی جدوں اوہ صلیب اُتے مویا۔ جیہڑا وی اوہدے اُتے ایمان رکھدا اے اوہدے گناہ معاف ہوندے نے تے اوہدے کول سدا دی زندگی اے۔ ایسٹر ایس گل دی گواہی اے پئی یسوع مویاں وچوں جیو کھلوتا تے ہن جیوندا اے۔“ لوک: بیان کرن والی، اُستاد، سکول دی بچی، جِم، ٹوم حقوق: بحق سی ای ایف جرمنی محفوظ نے۔ |