Albanian, Dramas: Piece 076 – Tre gënjeshtra në një natë

Home -- Albanian -- Perform a PLAY -- 076 (Three lies in one night)

This page in: -- ALBANIAN -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malagasy -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMAT – luajini për fëmijët e tjerë!

Drama për tu luajtur nga fëmijët

76. Tre gënjeshtra në një natë

Pjetri: "Jo, nuk është e vërtetë! Nuk do ta bëja kurrë."

Ndonjëherë Pjetri reagonte më shumë se ç’duhej, por besoj se ai me të vërtetë donte të thoshte atë që tha.

Pjetri: "Nuk do të më ndodhë kurrë një gjë e tillë."

A keni menduar dhe ju ndonjëherë kështu? Pjetri ishte aq i sigurt, në atë kohë natën kur ecte me Jezusin dhe dishepujt e tjerë. Ishte errësirë dhe çdo gjë dukej e zymtë, kur Jezusi papritmas ndaloi së ecuri dhe u foli atyre.

Jezusi: "Këtë natë të gjithë do të largoheni nga unë dhe do të më braktisni."

Pjetri: "Kurrë. Dhe edhe sikur të gjithë të tjerët të të braktisin, nuk do ta bëja kurrë një gjë të tillë."

Jezusi i njeh zemrat tona.

Jezusi: "Pjetër, të njoh unë ty. Para se të këndojë gjeli, do të thuash tri herë se nuk më ke njohur kurrë."

Pjetri: "Zoti Jezus, kurrë mos qoftë; më mirë të vdes se sa të të mohoj ty."

Të njëjtën gjë thanë edhe dishepujt e tjerë. Por Jezusi e dinte mire se çfarë do të ndodhte.

Menjëherë pas kësaj, kur Jezusi u kap dhe u mor nga armiqtë e tij, të gjithë dishepujt e tij e braktisën. Edhe Pjetri kishte frikë. Por në një distancë të largët, ai e ndoqi Jezusin, sepse donte të shihte se çfarë do të bënin me të.

Pjetri: "Ku po e çojnë? Tek pallati i Kryepriftit? Po unë? Më mirë të mos tërheq vëmendjen që të mos më arrestojnë edhe mua."

Pjetri u ul pranë armiqve të Zotit të tij. Me to u ngroh pranë zjarrit të oborrit. A ishte ky vendi i duhur për të qendruar? Një mik i Jezusit me ata që e urrenin Jezusin?

Shërbëtorja e parë: "Hej ti, më dukesh fytyrë e njohur. A nuk ke qënë dhe ti me Jezusin?"

Pjetri: "Unë? Nga të erdhi kjo ide? Nuk e kam idenë se për çfarë po flet."

Shërbëtorja e dytë: "Shikoni, ai ishte me Jezusin."

Pjetri: "Nuk është e vërtetë. Nuk e njoh fare atë njeri."

Shërbëtori: "Çdo njeri e dallon lehtë. Sigurisht që ke qënë me Jezusin. Të tradhëton e folura."

Pjetri: "Mjaft me këto budalliqe. Po ju them që, nuk e njoh Jezusin." (gjeli duke kënduar)

I tronditur, Pjetri shikoi përreth. Në atë moment Jezusi u çua larg. Ndërsa kalonte pranë, ai pa Pjetrin me trishtim. Ky vështrim depërtoi thellë në zemrën e Pjetrit. Dhe Pjetrit iu kujtua ajo që Jezusi kishte thënë vetëm disa orë më parë.

Pjetri e la në baltë Jezusin. Dhe atij i erdhi shumë keq. Doli me vrap dhe qau me hidhërim. A e dinte ai se Jezusi e donte atë pavarësisht asaj që ndodhi?

Folësit: Autori, Pjetri, Jezusi, dy shërbëtoret, shërbëtori

STORIES for CHILDREN by Sister Farida

76. Tre gënjeshtra në një natë