STORIES for CHILDREN by Sister Farida(www.wol-children.net) |
|
|
Home عربي |
Home -- Malagasy -- Perform a PLAY -- 140 (Dream job 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
LALAO – tanteraho miaraka amin’ny ankizy hafa!
Tantara kely holalaovina an-tsehatra
140. Ilay asa nofinofisina 1Tandremo fa mafana ny dite (feo mihetsiketsika sotro ao anaty kaopy). Saika may ny lelan'i Hudson. Fotoana fisotroana dite tany Angletera ho an'ny fianakaviana Taylor izao. Tamin'izany fotoana izany, dia fomba fanao tahaka izany no tian'izy ireo hatao rehefa miala sasatra, 150 taona lasa izay. Niresaka betsaka tamin'izy ireo momba ny tany lavitra an'i Chine ilay raim-pianakaviana. Lasa matotra tampoka izy. Ray: "Tsy azoko. Nahoana no tsy misy misionera maro mankany Chine? Sinoa an-tapitrisany no mbola tsy nandre momba an'i Jesoa." Hudson: "Dada a, rehefa lehibe aho dia hanao misionera ary handeha any Chine." Nitsiky ireo ray aman-dreny nahare ny tenin'ny zanany vao dimy taona monja. Narary matetika izy. Tsy afaka ny ho misionera mihitsy izy. Koa satria tsy afaka nandeha nianatra i Hudson, dia nampianatra azy tany an-trano ny reniny. Tena tia mankany amin'ny toerana famakiam-boky i Hudson, tena tiany ny mamaky boky. Hudson: "Raha mba afaka namaky boky teo am-pandriana aho rehefa alina. Indrisy anefa fa heontin'i Neny miaraka aminy foana ny jiro. Fa haka tapaka labozia tranainy aho." Nofenoiny am-pahamalinana ny paosin'ny patalohany ny harivan'iny, talohan'ny nanaovany veloma sy nanjavona tao amin'ny efitranony. Fa loza! Nanakana azy teny an-dalana ny iray tamin'ireo vahiny nasaina ary nitondra azy teo am-pofoany. Niseho izany, teo akaikin'ny afo mirehitra misy fivoahan-tsetroka! Nafana be ho an'i Hudson, ary indrindra ho an'ireo labozia. Toy ny ora maro taminy ny minitra. Neny: "Hudson, izao no fotoana hatoriana." Hudson: "Tsara alina!" Fotoana fohy taorian'izay dia hitan-dreniny tao amin'ny efitranony izy niaraka tamin'ny paosiny feno savoka! Nanenina mafy i Hudson nanao izany tao ambadiky ny reniny. Matokia ahy fa tsy nanao izany intsony izy! Nanana fialamboly hafa ihany koa ilay olona tia mamaky teny: manelingelina an'i Amélie anabaviny. Raha ny marina tena tsy misaraka anefa izy ireo, ary tiany ny miara-nijery bibikely sy vorona. Rehefa telo ambin'ny folo taona i Hudson, dia nanomboka nianatra momba ny fanaovana fanafody izy. Nanana tetik'asa lehibe momba ny hoaviny izy. Indray andro anefa, ny famakiana boky iray monja dia nanova ny fiainany manontolo. Namaky boky kristiana izy ary tonga saina tampoka fa Jesoa dia maty sy nitsangana tamin'ny maty noho ny fitiavany azy. Hudson: "Jesoa Tompo ô, misaotra Anao aho noho ny fitiavanao ahy. Te ho Anao aho ary hanao izay rehetra asainao ataoko. Amena." Rehefa vita io vavaka io, dia toy niteny taminy Jesoa hoe: Mankanesa any Chine ho Ahy. Ny ho misionera no faniriany lehibe indrindra fony izy dimy taona. Nanomboka nanomana izany izy tamin'izy 17 taona. Angamba tianao ho fantatra ny fomba niatrehana an'izany? Amin'ny tantara manaraka dia holazaiko anao bebe kokoa. Angamba tsy ho tianaony tsy haharaka izany! Mpandray anjara: Mpitantara, ray, zazalahy Hudson, tovolahy Hudson, reny © Zon'ny mpamorona: CEF Alemaina |