Macedonian, Dramas: Piece 164 – Загубената овца 2

Home -- Macedonian -- Perform a PLAY -- 164 (The lost sheep 2)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- MACEDONIAN -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

КУСИ ИЗВЕДБИ – одглуми ги пред други деца!

Куси изведби за да ги изведуваат деца

164. Загубената овца 2

Гневната Рут избега. Зборовите на тетка Маргарет не можеше да ги заборави: „Ќе те испратам во интернат“.

Кога зајде сонцето беше далеку од дома и се прашуваше каде ќе спие ноќта. Можеби, во црквата зад гробиштата?

Помина покрај надгробните споменици и застана кога виде мал, бел крст.

Рут: „Јохана Колинс, 9 години. Отиде да биде со Исус. Дали и јас ќе бидам со Исус, ако умрам денеска?“

Длабоко размислувајќи Рут тајно влезе (звук на крцкање на врата) во црквата.

Потоа легна на една од клупите и заспа.

Следниот ден пасторот влезе во црквата и ја виде Рут.

Пасторот: „Добро утро. Од каде дојде?“

Рут му веруваше на пасторот и му кажа како избегала.

Потоа таа го изеде вкусниот појадок во куќата на пасторот, додека господин Робингер ѝ телефонира на тетка ѝ. Рут ја разгледуваше собата додека не виде слика што висеше на ѕидот.

Пасторот: „Ти се допаѓа ли сликата? Тоа е Исус, Добриот Пастир. Ја подава раката кон изгубеното јагне. Сака да го спаси. Јагнето малку ме потсетува на тебе“.

Рут: „Ќе ме најде ли и мене? И ќе одам ли на небото како Јохана Колинс?“

Пасторот: „Да. Само треба да Му кажеш дека сакаш да Му припаѓаш. Ќе ти ја дадам таа слика. Сега врати се дома. Тетка ти е загрижена за тебе“.

На пат кон дома, Рут ја извади сликата од џебот. Ја погледна додека се молеше.

Рут: „Господе Исусе, јас сум ова непослушно јагне. Те молам прости ми ги сите гревови. Сакам да Ти припаѓам и да живеам со Тебе еден ден на небото. Амин“.

Исус веднаш одговара на ваков вид молитви. Рут Му се заблагодари за тоа и скокаше од радост.

Тетка Маргарет ја чекаше на влезната врата. Се прегрнаа една со друга.

Рут: „Тетка Маргарет, жал ми е за сè. Те молам не ме испраќај во интернат. Отсега ќе бидам добра“.

Тетка Маргарет: „Те сакам. Ајде да се обидеме уште еднаш“.

Рут навистина внимаваше на нејзиното однесување. Го слушаше гласот на Добриот Пастир кога Тој ѝ зборуваше во срцето и преку Библијата. Но не го слушаше гласот на нејзиното гордо его што секогаш се разгоруваше.

Рут навистина се измени. По извесно време сè беше добро, но потоа...

Не заборавај да ја слушаш следната драма, каде што ќе ти кажам како продолжува оваа возбудлива приказна.

Улоги: Раскажувач, Рут, пастор, тетка Маргарет.

STORIES for CHILDREN by Sister Farida

164. Загубената овца 2