Malagasy, Dramas: Piece 164 – Ilay ondry very 2

Home -- Malagasy -- Perform a PLAY -- 164 (The lost sheep 2)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

164. Ilay ondry very 2

Nandositra i Rota satria tezitra. Nanaraka azy ny tenin'i Nenitoa Margaret hoe: "Halefako any amin'ny kilasimandry ianao".

Rehefa nilentika ny masoandro, dia lavitra ny tranony izy ary nanontany tena hoe aiza no hatoriana anio alina. Angamba any am-piangonana ao ambadiky ny fasana?

Nandalo ny fasana izy ary nijanona teo anoloan'ny lakroa fotsy kely.

Ruth: "Johanna Collins, 9 taona. Efa lasa any akaikin'i Jesoa izy. Izaho ihany koa ve ho lasa any amin'i Jesoa raha ho faty anio?"

Nieritreritra lalina i Rota, ka nitsorika niditra tao amin'ny fiangonana (feon'ny varavarana mikiakiaka). Dia nandry teo ambony dabilio izy ary natory.

Ny ampitson'iny dia tonga tao am-piangonana ilay pasitera ary nahita an'i Rota.

Pasitera: "Manao ahoana! Avy aiza ianao?"

Natoky an'ilay pasitera i Ruth ary notantarainy taminy ny fomba nandosirany.

Avy eo izy dia nisakafo maraina matsiro tao an-tranon'ny pasitera, raha niantso an-telefaonina ny nenitoany i Atoa Robinger. Nijery manodidina ny efitrano i Ruth mandra-pifantohan'ny masony tamin'ny sary iray teo amin'ny rindrina.

Pasitera: "Tianao ve ity sary ity? Jesoa, Ilay Mpiandry Tsara io. Maninjitra ny tanany amin'ny ondry very Izy, te-hamonjy azy ireo Izy, mampahatsiahy ahy kely anao izany."

Ruth: "Hitany ihany koa ve aho? Ho any an-danitra toa an'i Johanna Collins ve aho?"

Pasitera: "Eny. Mila teneninao fotsiny izy fa te ho Azy ianao. Omeko anao ity sary ity, modia amin'izao fa manahy ny momba anao ny nenitoanao."

Teny an-dalana hody dia nalain'i Ruth tao am-paosiny ilay sary. Nijery azy izy rehefa nivavaka.

Ruth: "Jesoa Tompo ô, izaho no zanak'ondry tsy mpankatò. Raha sitrakao, mamelà ny fahotako rehetra. Te-ho Anao aho ary hiara-hiaina aminao any an-danitra indray andro any. Amena."

Tonga dia namaly avy hatrany an'izany karazana vavaka izany i Jesoa. Nisaotra Azy noho izany i Ruth ary nitsambikina noho ny hafaliana.

Niandry azy teo am-baravarana i Nenitoa Margaret. Nifanoroka izy ireo.

Ruth: "Nenitoa Margaret, miala tsiny amin'ny zava-drehetra aho, azafady, aza alefa any amin'ny kilasimandry aho fa mampanantena aho fa ho tsara fanahy manombok'izao."

Nenitoa Margaret: "Tiako ianao. Andeha hanandrana indray mandeha."

Niezaka mafy i Ruth ary niasa mafy tao amin'ny fomba fisainany. Nihaino ny feon'ilay Mpiandry Tsara izy rehefa niresaka tamin'ny fony sy tamin'ny alalan'ny Baiboly Izy. Tsy te hihaino intsony ny feon'ny hambom-pony izay te hierona izy.

Niova tokoa i Rota. Nizotra tsara ny zava-drehetra nandritra ny fotoana kelikely, saingy avy eo...

Aza adino ny mihaino ny tantara manaraka izay handrenesanao ny tohin'ity tantara mampientam-po ity.

Mpandray anjara: Mpitantara, Ruth, Pasitera, Nenitoa Margaret

STORIES for CHILDREN by Sister Farida

164. Ilay ondry very 2