Home
Links
Contact
About us
Impressum
Site Map


YouTube Links
App Download


WATERS OF LIFE
WoL AUDIO


عربي
Aymara
Azərbaycanca
Bahasa Indones.
বাংলা
Български
Cebuano
Deutsch
Ελληνικά
English
Español-AM
Español-ES
فارسی
Français
Fulfulde
Gjuha shqipe
Guarani
հայերեն
한국어
עברית
हिन्दी
Italiano
Қазақша
Кыргызча
Македонски
മലയാളം
日本語
O‘zbek
Plattdüütsch
Português
پن٘جابی
Quechua
Română
Русский
Schwyzerdütsch
Srpski/Српски
Slovenščina
Svenska
தமிழ்
Türkçe
Українська
اردو
中文

Home -- Macedonian -- Perform a PLAY -- 163 (Secret in the Wilden woods 1)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

163. Тајна во шумата Вилден 1


Рут ѝ се налути на тетка Маргарет. Само затоа што лошо се однесуваше беше казнета да си легне в кревет без вечера.

Филип тивко влезе во нејзината соба.

Филип: „Рут, ова е за тебе. Тајно го скрив во џебот“.

Рут беше многу гладна и зеде малку од сендвичот.

Рут (со полна уста): „Филип, сакам да бидам добра. Зошто не можам?“

Филип: „Не знам. Треба да се обидеш да не се вознемируваш толку многу и тогаш веќе нема да кажуваш такви нешта полни со омраза. Љубезно е од тетка Маргарет што ни дозволи да живееме со неа додека нашите родители се мисионери во Индија“.

Рут воздивна и стави половина од сендвичот во устата.

Одеднаш ги слушнаа чекорите на тетка Маргарет.

Филип отрча во неговата соба и легна на креветот сè уште во неговата облека која ја носеше надвор.

Тетка Маргарет: „Добра ноќ Филип. Добра ноќ Рут“.

Филип: „Добра ноќ тетка Маргарет“.

Рут се преправаше дека спие.

Следното утро Филип направи планови за нивниот одмор.

Филип: „Ќе откриваме некои нешта во шумата Вилден. Можеби денеска ќе видиме гнезда на птици покрај потокот. Ќе изградиме колиба, автентичен центар за истражување на природата“.

Рут беше воодушевена.

Двете деца трчаа по малата патека што водеше кон шумата.

Рут застана мирно и го набљудуваше стадото овци на господин Танер. Мало јагне ѝ се приближи и ѝ ја лижеше раката. Тоа немаше родители и понекогаш бегаше.

Филип: „Дојди Рут, немаме многу време“.

Го најдоа најдоброто место за нивната колиба. Рут собра гранки и Филип со нив изгради вигвам, индијански шатор. Секој ден доаѓаа на нивното тајно место.

Еднаш Рут мораше да остане дома да ги закачи алиштата да се сушат. Тоа воопшто не ѝ се допадна. Гневно остави чисти алишта да паднат во калта.

Тетка Маргарет: „Не можеш ли да бидеш повнимателна? Кажи дека ти е жал за твоите постапки“.

Рут: „Но не ми е жал! Многу си злобна тетка Маргарет“.

Тетка Маргарет: „Рут, долго време размислував за тоа. Ќе те испратам во интернат“.

Рут: „Тогаш ќе избегам“. (звук на треснување на врата)

Гневната Рут избега. Далеку. До каде? Не знаеше каде е.

Но зборовите на тетка Маргарет ја измачуваа.

(со ехо и стивнување): „Ќе те испратам во интернат. Тогаш ќе избегам. Ќе те испратам во интернат. Тогаш ќе избегам“…

Во следната драма ќе слушнеш што друго се случило со ова бегство.


Улоги: Раскажувач, Филип, Рут, тетка Маргарет.

© Copyright: CEF Germany

www.WoL-Children.net

Page last modified on August 08, 2023, at 09:07 AM | powered by PmWiki (pmwiki-2.3.3)