STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 163 (Secret in the Wilden woods 1) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 361. وِلڈن جنگل دا بھیت ۱روتھ نوں ماگریٹ ماسی اُتے بڑا غصّہ سی۔ صرف ایس لئی پئی اوہنے بُرا سلوک کیتا سی، اوہدی سزا سی پئی اوہ شام دے کھانے دے بغیربستر اُتے ٹُر جاوے۔ فلپ بڑا چپ کر کے اوہدے کمرے وچ آیا۔ فلپ: ”روتھ ایہہ تیرے لئی اے۔ میَں اینہوں چپ کر کے آپنی بوجی وچ لُکا لیا سی۔“ روتھ نوں بڑی بھُکھ لگی سی تے اوہنے سینڈ وچ وچوں اک چکی لئی۔ روتھ (بھرے ہوئے مُنہ نال): ”فلپ، میَں چنگی بننا چاہندی اَں۔ میَں کیوں نئیں بن سکدی؟“ فلپ: ”میَنوں کی پتہ۔ تینوں چاہیدا اے تُوں بہتی پریشان ناں ہویا کریں، کیوں جو فیر تُوں اینی نفرت نال بھریاں ہویاں گلاں نئیں کر سکیں گی۔ ایہہ تے ماگریٹ ماسی دی چنگیائی اے پئی اوہناں نے سانوں ایتھے آ کے رہن دِتا کیوں جو ساڈے ماں پیو تے بھارت وچ مشنری بن کے چلے گئے نے۔“ روتھ نے ہا بھری تے ادھا سینڈ وج آپنے مُنہ وچ پا لیا۔ اچانک اوہناں نوں ماگریٹ ماسی دے قدماں دی واج آئی۔ فلپ آپنے کمرے وچ دوڑ گیا آپنے بستر اُتے گھُمن پھرن والے کپڑیاں دے نال ای لیٹ گیا۔ ماگریٹ ماسی: ”رب راکھا، فلپ، رب راکھا، روتھ۔۔“ فلپ: ”رب راکھا، ماگریٹ ماسی۔“ روتھ نے ایس طرح ظاہر کیتا جس طرح اوہ سُتی ہووے۔ اگلی صبح، فلپ نے آپنی چھٹیاں لئی منصوبے بنائے۔ فلپ: ”اسی جنگل دیاں لکڑاں وچ چیزاں دریافت کراں گے۔ ہو سکدا اے اج پنچھیاں دے آنڈیاں وچوں بچے نکل آون۔ اسی جھُگی بناواں گے، اک اصلی قدرتی کھوج دا مرکز۔“ روتھ پُرجوش سی۔ دونہویں بچے دوڑدے ہوئے اک نِکے راہ وچوں جنگل وچ چلے گئے۔ روتھ کھلو کے ٹینر صاحب دیاں بھیڈاں دے جھُنڈ نوں ویکھدی پئی سی۔ اک نِکی بھیڈ اوہدے کول آئی تے اوہدے ہتھ نوں چٹن لگ پئی۔ ایہدے ماں پیو نئیں سن ایس لئی ایہہ اکثر دوڑ جاندی سی۔ فلپ: ”آ روتھ، ساڈے کول بہتا ویلا نئیں اے۔“ اوہناں نے آپنی جھُگی لئی چنگاں تھاں لبھ لیا۔ روتھ نے ٹہنیاں کٹھیاں کیتیاں تے فلپ نے اوہناں دی مددنال جھُگی بنائی۔ اوہ روز آپنی اوس لُکے تھاں اُتے آوندے سن۔ اک واری، روتھ نوں گھر ٹھہرنا پیا تے دُھپے ہوئے کپڑیاں نوں ٹنگنا سی۔ اوہنوں ایہہ کم بالکل وی پسند نئیں سی۔ غصے نال، اوہنے صاف کپڑیاں نوں مِٹی وچ ڈِگن دِتا۔ ماگریٹ ماسی: ”کیہ توں دھیان نال نئیں کر سکدی؟ آپنیاں حرکتاں لئی معافی منگ۔“ روتھ: ”پر میَں معافی نئیں منگنا چاہندی! تُسی بڑے مطلبی ہو ماگریٹ ماسی۔“ ماگریٹ ماسی: ”روتھ، میَں بڑے چِر تھوں ایہدے بارے وچ سوچدی پئی اَں۔ میَں تہانوں بورڈنگ سکول وچ گھل دیاں گی۔“ روتھ: ”تے فیر میَں دوڑ جاواں گی۔ (زور نال بوہا بند کرن دی واج)“ روتھ غصے وچ دوڑ گئی۔کِتھے بڑی دور؟ اوہ آپ وی نئیں جاندی سی پئی اوہ کِتھے آ گئیاے۔ پر ماگریٹ ماسی دے لفظ اوہناں بار بار یاد آوندے رہے۔ (گجدی تے ہولی ہوندی ہوئی واج): ”میَں تہانوں بورڈنگ سکول وچ گھل دیاں گی۔ تے فیر میَں دوڑ جاواں گی۔ میَں تہانوں بورڈنگ سکول وچ گھل دیاں گی۔تےفیر میَں دوڑ جاواں گی۔۔۔“ اگلی کہانی وچ تُسی سُنو گے کہ ایہدے دوڑن دا انجام کیہ ہویا۔ لوک: بیان کرن والی، فلپ، روتھ، ماگریٹ ماسی حقوق: بحق سی ای ایف جرمنی محفوظ نے |