STORIES for CHILDREN by Sister Farida(www.wol-children.net) |
|
|
Home عربي |
Home -- Armenian -- Perform a PLAY -- 163 (Secret in the Wilden woods 1) This page in: -- Albanian -- Arabic? -- ARMENIAN -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek
ԹՈՂԱՐԿՈՒՄՆԵՐ – ներկայացրո՛ւ սա ուրիշ երեխաների!
Թողարկումներ երեխաների համար
163. Վայրի անտառի գաղտնիքը 1Հռութը շատ վիրավորված էր մորաքույր Մարգարիտից։ Հռութն իրեն լավ չպահելու համար պատժված էր և պետք է գնար՝ քնելու առանց ընթրելու։ Ֆիլիպն արագ գնաց նրա սենյակ։ Ֆիլիպ. - Հռո՛ւթ, սա քեզ համար է։ Ես սա թաքցրել էի գրպանումս։ Հռութը շատ քաղցած էր և սկսեց ուտել բրդուճը։ Հռութ (բերանը լիքը). - Ֆիլի՛պ, ես ուզում եմ լավը լինել, ինչո՞ւ ինձ մոտ չի ստացվում։ Ֆիլիպ. - Չգիտե՛մ, պետք է փորձես այդքան շուտ չբարկանալ և այլևս այդպիսի վատ բաներ չես ասի։ Մորաքույր Մարգարիտի կողմից սա շատ բարի քայլ էր, որ մեզ թույլ տվեց այստեղ ապրել, մինչ մեր ծնողները գնացել են Հնդկաստան միսիոներության։ Հռութը շարունակեց իր բրդուճն ուտել։ Հանկարծ նրանք լսեցին մորաքույր Մարգարիտի ոտնաձայները։ Ֆիլիպն իր սենյակ վազեց և դրսի հագուստով մտավ անկողին։ Մորաքույր Մարգարիտ. - Բարի գիշե՛ր, Ֆիլի՛պ, բարի գիշե՛ր, Հռո՛ւթ։ Ֆիլիպ. - Բարի գիշե՛ր, մորաքո՛ւյր Մարգարիտ։ Հռութը ձևացրեց իբր քնած է։ Հաջորդ առավոտ Ֆիլիպն իրենց արձակուրդի համար ծրագրեր էր մշակում։ Ֆիլիպ. - Մենք Վայրի անտառում բացահայտումներ կանենք։ Միգուցե այսօր թռչուններ էլ որսանք։ Խրճիթ կպատրաստենք բնության ուսումնասիրման ժամանակավոր կենտրոն։ Երկու երեխաները վազում էին փոքրիկ արահետով, որը տանում էր դեպի Վայրի անտառ։ Հռութը կանգնեց և սկսեց հետևել պարոն Թենների գառների հոտին։ Մի փոքրիկ գառնուկ մոտեցավ Հռութին։ Այդ գառնուկը երբեմն փախչում էր։ Ֆիլիպ. - Հռո՛ւթ, արի՛։ մենք այդքան ժամանակ չունենք։ Նրանք խրճիթի համար ամենալավ տեղը գտան։ Հռութը ճյուղեր էր հավաքում, իսկ Ֆիլիպը ծածկն էր պատրաստում։ Նրանք ամեն օր գնում էին իրենց գաղտնի վայրը։ Մի անգամ Հռութը պետք է տանը մնար և լվացքը կախեր։ Նա հաճույքով չէր անում դա, և մաքուր հագուստն ընկավ ցեխի մեջ։ Մորաքույր Մարգարիտ. - Չես կարո՞ղ ավելի ուշադիր լինել։ Ներողությո՛ւն խնդրիր պահվածքիդ համար։ Հռութ. - Ներողություն, մորաքո՛ւյր Մարգարիտ, դու շատ ջղային ես։ Մորաքույր Մարգարիտ. - Հռո՛ւթ, ես երկար եմ մտածել և պատրաստվում եմ քեզ գիշերօթիկ դպրոց ուղարկելու։ Հռութ. - Ուրեմն ես կփախչեմ։ (Դուռը փակելու ձայն)։ Հռութը բարկացած դուրս վազեց։ Շատ հեռու։ Որտե՞ղ։ Նա ինքն էլ չգիտեր, թե որտեղ։ Բայց մորաքույր Մարգարիտի խոսքերը կարծես հետապնդում էին իրեն։ (Մարող արձագանքով)։ «Ես պատրաստվում եմ քեզ գիշերօթիկ դպրոց ուղարկելու»։ «Ուրեմն ես կփախչեմ»։ «Ես պատրաստվում եմ քեզ գիշերօթիկ դպրոց ուղարկելու»։ «Ուրեմն ես կփախչեմ»։ Հաջորդ թողարկմանը կիմանաս, թե այս փախուստի ժամանակ ինչեր եղան։ Հերոսներ՝ հեղինակ, Ֆիլիպ, Հռութ, մորաքույր Մարգարիտ։ © Copyright: CEF Germany |