Home -- Punjabi -- Perform a PLAY -- 152 (Pass it on 2)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
251. اگے پہنچاؤ ۲
نہیں، اوہناں چار کوڑھیاں نوں ایہدی بالکل وی امید نہیں سی جدوں اوہ لُک کے دشمناں دے ڈیرے وچ اپڑے، اوہ بھُکھے تے بیمار سن۔
پہلا کوڑھی: ”کیہ مینوں صاف صاف دِسدا پیا اے؟ ایہہ سچ نہیں ہو سکدا!“
دوجا کوڑھی: ”پر ہاں! ڈیرا بالکل خالی اے! دشمن چلے گئے نیں!“
پہلا کوڑھی: ”ہو سکدا اے ایہہ کوئی جال ہووے۔“
پر ایہہ کوئی جال نہیں سی۔ ارامی لوک جنہاں نے ایڈے لمبے چِر تیک سامریہ دے شہر نوں گھیریا ہویا سی تے جنہاں نے اسرائیلیاں نوں بھُکھا رکھن دی کوشش کیتی سی اوہ ہن دِسدے نہیں سن پئے۔
اوہناں نوں کون لے گیا؟
بائبل سانوں ایہہ راز دسدی اے: جیوندے خدا نے اوہناں نوں بڑی وڈی فوج دا شور سُنایا۔ تے کیوں جو اوہناں نے سوچیا پئی اسرائیلیاں نے دوجیاں فوجاں نوں آپنے نال ملا لیا اے، تے اوہناں نے چھیتی وچ ہر شے نوں چھڈ دِتا تے جِنی چھیتی ہو سکیا اوہ دوڑ گئے۔
جدوں سورج ڈھلدا پیا سی تد خدا نے ایہہ کرامات کیتی، بالکل اوسے ویلے جدوں چار کوڑھی آپنے آپ نوں دشمناں دے حوالے کرن گئے۔
اوہ تے موت دی اُمید کردے پئے سن پر ایہدے بدلے اوہناں نوں حیاتی مل گئی۔
پہلا کوڑھی: ”اینا سارا کھانا! مینوں تے اجے وی یقین نہیں پیا ہوندا۔“
دوجا کوڑھی: ”کیہ انعام ملیا اے! ویکھو! کپڑے، سونا تے چاندی۔“
اوہناں نے کھادا تے پیتا۔ جس طرح پئی اوہ سُفنے وچ ڈیرے وَل آئے ہون۔
پہلا کوڑھی: ”ایہہ جو اسی کردے پئے اَں ایہہ چنگا نہیں اے۔ اسی بس آپنے بارے وچ نہیں سوچ سکدے۔ سانوں جا کے اوہناں لوکاں نوں وی ایہہ خوشی دی خبر دینی ہووے گی جیہڑے شہر وچ نے۔ جے اسی چپ رہے تے دوجے لوک بھُکھے مر جاون گے۔ تے فیر اسی آپنے آپ نوں اوہناں دا قصوروار سمجھاں گے۔“
پہلاں تے بادشاہ نوں لگیا پئی ایہہ خبر دشمناں دی کوئی چال ہو سکدی اے۔ پر سارے لوک جتھے دی صورت وچ شہر وچوں باہر نکلے، تے ویکھیا پئی ایہہ تے سچ اے، تے ارامیاں دے ڈیرے اُتے ٹُٹ پئے۔ اوہ افسر جنہے خدا نوں ٹھٹھا ماریا سی اوہ شہر دے بوہے وچ روند کے ماریا گیا۔
سارا کجھ اوسے طرح ہویا جس طرح خدا نے آکھیا سی پئی ہووے گا۔
کسے نے خوشی دی خبر اگے پہنچائی۔ جنہے جنہے ایہدے اُتے یقین کیتا اوہ بچ گیا۔ ایہہ کِنی چنگی گل اے پئی اک بندہ چپ ناں رہیا۔
مینوں یاد آوندا پیا اے پئی یسوع نے اک واری آکھیا سی: میَں جیوندا اَں تے تُسی وی جیوندے رہو گے۔
اوہ چاہندا اے پئی لوک جیوندے رہن۔ صرف جیوندے ای نہیں سگوں، سدا جیوندے رہن۔
بہت سارے لوک اجے تیک ایہہ نہیں جاندے۔ ایس لئی میَں یسوع دے بارے وچ خوشی دی خبر نوں اگے پہنچانا چاہندی اَں۔
کیہ تُسی وی ایہہ کرنا چاہندے ہو؟
لوک: بیان کرن والی، پہلا کوڑھی، دوجا کوڑھی
حقوق: بحق سی ای ایف جرمنی محفوظ نے۔