Home -- Aymara -- Perform a PLAY -- 152 (Pass it on 2)
152. Takenir saña 2
Janiwa, cunapachas 4 leprosonacajja, cuna pachatejj enemigon campamentorar jac’achasipjjänjja, usuntat uqhamarac mankat jiwata amuyapcänti.
Leproso 1: “¿Cuntejj uñjctja ucajj chekati? ¡Janiw chekacaspati!”
Leproso 2: “¡Chekpachawa! ¡Campamentojj ch’usaquiwa! ¡Enemigonacajj sarjjapjjewa!”
Leproso 1: “Inas mä trampächi.”
Janiw cuna trampäcänsa. Sirio ejercitojja, ucatak jaya pachajj Samariar muyuntcataynajja, uqhanarac Israelitanacar mankat jiwayanjja, jaltawayjjapjjataynawa.
¿Cunas jaltay pachäna?
Bibliajj ac uñachayistuwa:
Jacquir Diosajja mä jach’a ejercito sueniri ist’ayatayna. Ucat Israelajj yakha marcanacampiw mayachasipjjaspäna uc amuyapjjäna. Ucatwa jaltawayapjjatayna take cun jaytjasa.
Uca jaypuwa Diosajj uca milagro luratayna. Cunapachatejj leprosonacajj enemigonacar rendisiñ amtasipcatayna uca ratu.
Jiwañ suyapjjäna ucampis jacañ jicjjatapjjäna.
Leproso 1: “¡Acatak mank’asti! Jan amuyañjjamawa.”
Leproso 2: “¡Aca tak yänacajja! Uñtapjjam: isinaca, kori uqhamarac kollke.”
Leprosonacajj mankapjjatayna uqhamarac umapjjatayna. Tak pach campamento muytapjjatayna samcanjama.
Leproso 1: “Janiw walïquiti cuntï lurctan ucajja. Janiw jiwasanacatac amuyañasaquiquiti. Marcar aca suma yatiyäwi churañasawa. Amüscañänitejja, mayninacajj makat jiwapjjaniwa. Jiwasasti liwäwipat juchaniñäniwa.”
Reyejj uc ist’asinjja nayrakat enemigonacapan trampapaw sataynawa. Ucampisa take ciudadanquirinacajja mistuwayapjjänwa ucatjja enemigon campamentopar saqueapjjataynawa, walja mankanaca uqhamarac take cast yänaca.
Oficial Diosat burlasirijja jakenacan tacsutawa jiwawayäna. Take cunaw cunjamtejj Diosajj jiscatayna uqham phokhasïna. Maynejj mayniruwa yatiyäna. Creyirejja jacatatänwa. ¡Cunja sumasa mayni qhititejj jan amuct’catayna ucajja!
Ucajj amtayituwa cuntejj Jesusajj mä cutejj siscatayna uca: “Nayajj jacasctwa uqhamasti jumanacajj jacapjjaraquïtawa.”
Jupajj take jakenacan jacañapwa muni. Janiw jacatatañapacsa, jan ucasti wiñay jacañanïñapa.
Ucatwa Jesusan suma yatiyäwi churañ munta. ¿Jumast uqhamaraqui?
Unstirinaca: Parliri, leproso 1, leproso 2
© Copyright: CEF Germany