86. مقابلہ ۱

دو اسکیمو موٹے کپڑے پا کے برف والی گڈی اُتے بیٹھے۔ واگ پھر گئی تے کُتیاں دی برف دے ٹبے نال ٹکر ہو گئی۔ اچانک کولّی نے کجھ سُنیا۔

کُپا جادوگر نے وی ایہہ واج سُنی: اک مَٹھی جیہی چھنک برف وچوں لنگدی سُنی گئی۔ سیٹی وجی تے کُتیاں نے دوڑنا بند کر دِتا۔ دونہواں اسکیمو اں نے آپنیاں نرم کھل والیاں ٹوپیاں لا چھڈیاں۔ ایہدے وچ کوئی شک نئیں۔ پئی برف گاوندی پئی اے۔ اوہناں نوں اپنے دِلاں وچ خوف آیا، کیوں جو جدوں برف گاوندی اے، تے ایہدا مطلب ہوندا اے پئی پانی دے وچوں ٹھلاں آون گیاں۔ جیہڑیاں بڑے زور نال آوندیاں نے تے برف دے موٹے ٹبیاں نوں وی توڑ دیندیاں نے۔

(چھانٹا مارن دی واج)

کولّی: ”ٹُردے رہو، وفادار کُتیوں تیز دوڑو! تیز دوڑو کنڈے وَل۔ زور آور ٹھلاں آوندیاں پئیاں نے۔ اسی مر جاواں گے۔“

کُپّا: ”کولّی، کیہ تینوں اوہ برف دیاں گڈیاں دسدیاں پئیاں نے؟“

کولّی: ”کیہ اوہ پاگل نے؟ اوہ ٹھلاں وَل جاندے پئے نے۔“

کُپّا: ”سانوں اوہناں نوں دسنا پو وے گا۔“

پر جدوں دو برف والیاں گڈیاں اک دوجے نال ملیاں تے کُپّا نے دوجی برف والی گڈی وچ مشنریاں نوں ویکھیا جیہڑے اسکیمو دے پینڈ دے سن تے اوہنے اوہناں نوں ناں دَسیا۔ اوہ اوہناں نال نفرت کردا سی، اوہناں کولوں تے اوہناں دے یسوع کولوں، جہدے بارے اوہ ہر ویلے گل کردے رہندے سن۔

کُپّا تے کولّی سلامتی نال نائن دے کنڈے اُتے اپڑ گئے۔

کُپّا: ”سب ٹھیک ہو گیا۔“

کولّی: ”تے اوہ دوجے لوک؟“

کُپّا: ”اوہناں نوں بس مر جانا چاہیدا اے۔ ہن اوہناں دا یسوع سانوں وکھال سکدا اے پئی جے اوہ ٹھلاں نالوں بہتا زور آور اے۔ ہا ہا۔“

اینہاں دو لوکاں نے برف دا گھر بنایا۔ اوہدے بعد کُپّا اک نِکی جیہی دکان وچ سمندری جانور دی ملائم کھل لے کے گیا۔ کیہ اوہ مشنری دی انگریز بیوی ایتھے وے؟

کُپّا: ”میَں ایہہ ملائم کھل اوس بندوق دے بدلے ویچنا چاہندا اَں جیہڑی اوتھے وے۔“

عورت: ”مینوں نئیں پتہ پئی سانوں ایس کھل دی ہور لوڑ ہے یا نئیں۔ کیہ تُسی تھوڑا چِر اُڈیک سکدے ہو میرے شوہر دے مُڑ آون تیک؟“

کُپّا: ”اوہ مُڑ نئیں آوے گا۔“

عورت: ”تہاڈا مطلب کیہ اے؟“

کُپّا: ”بڑیاں زور آور ٹھلاں آوندیاں پیاں نے۔“

عورت: ”بڑیاں زور آور ٹھلاں؟؟؟“

حیرانگی نال اوہ عورت اوہنوں ویکھدی رہی۔ جادوگر نے باری کھولی تے اوہناں دونہاں نے ایہہ سُنیا۔ برف گاوندی پئی سی۔

عورت: ”کُپّا، تُساں اوہناں نوں دَسیا کیوں نئیں؟“

کُپّا: ”میَں کیوں دَسدا؟ اوہدے یسوع نوں اوہدی مدد کرنی چاہیدی اے جے اوہ کر سکدا اے تے۔“

اوہ عورت بڑی پریشان ہو گئی۔ فیر اوہنے اوہ بائبل دی آیت ویکھی جیہڑی کند اُتے ٹنگی ہوئی سی۔

یسوع نے آکھیا: اسمان تے دھرتی دا کُل اختیار مینوں دِتا گیا اے۔

عورت: ”یسوع کر سکدا اے! اوہنے کدی وی مقابلہ نئیں ہاریا۔“

کُپّا: ”مقابلہ شروع ہو گیا اے۔ جے اوہ زور آور ٹھلاں وچوں وی نکل کے مُڑ آئے تے میَں وی یسوع دا یقین کر لواں گا۔“

عورت: ” کُپّا، اوہ مُڑ آون گے۔ میَں ایہہ جاندی اَں!“

اوس عورت دے ایمان نے جادوگر دا ایمان گنوا دِتا۔ کون جِتے گا؟ کُپّا یا یسوع؟ تہانوں ایہدا جواب اگلی کہانی وچ مل جاوے گا۔

لوک: بیان کرن والی، کُپّا، کولّی، عورت

حقوق: بحق سی ای ایف جرمنی محفوظ نے۔