Home -- Punjabi -- Perform a PLAY -- 058 (God puts everything right 6)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
85. خُدا سب کجُھ ٹھیک کردا اے ۶
کِڈا سوہنا دن اے! یوسف دے بھراواں نے مُڑ مصر ول آپنا پینڈا کیتا تاں جو اناج لے سکن۔ اوہ ایہہ نئیں سن جاندے پئی اوس مُلک وچ اوہناں دا بھرا دوجے درجے دا حاکم سی، اوہ جنہوں اوہناں ۰۲ ورھے پہلاں غلام بنن لئی ویچ چھڈیا سی کیوں جو اوہ اوہدے کولوں سڑدے سن۔
یوسف نے اک ضیافت دی تیاری دا حکم دِتا۔ بیہن دا بندوبست بالکل گھر وانگ کیتا گیا۔ سارے بھرا ایہہ ویکھ کے حیران ہوئے۔ جدوں اوہ دانیاں نال بھریاں ہوئی بوریاں دے نال گھر ول ٹُر پئے تے اوہ بڑے خوش ہوئے۔ پر اوہ اجے بہتی دُور نئیں گئے ہوون گے کہ۔
نوکر: ”کھلو جاوو! ہلیو ناں! تساں میرے مالک دا چاندی دا پیالہ چوری کیتا اے۔“
بھرا: ”نئیں، اساں کوئی شے نئیں چوری کیتی۔ توں آپ ویکھ لے۔“
نوکر نے ساریاں شیواں دی تلاشی لئی۔ اخیرلی بوری جیہڑی اوہنے کھولی اوہ بنیمین دی بوری سی۔
نوکر: ”اے جے چور۔ سارے مُڑ جا سکدے نے۔ تے توں ایتھے غلام بن کے رہویں گا۔“
اوہناں نوں یوسف اگے حاضر کیتا گیا۔ اوہناں ساریاں کمبدے ہوئے یوسف نوں سجدہ کیتا۔ اوہنے کسے نوں حکم دِتا سی پئی اوہ پیالہ کسے اک بوری وچ لُکا دیوے کیوں جو اوہ آپنے بھراواں نوں آزما سکے۔ اوہ سارے بھرا ہن مل جاون گے یا فیر اجے وی اوہناں دے دِلاں وچ بریائی رہوے گی؟ یوسف نے سختی نال اوہناں نوں پوچھیا۔
یوسف: ”تُساں ایس طرح کیوں کیتا؟ جیہڑا چور اے اوہ غلام بن کے ایتھے میرے کول ای رہوے گا۔“
فیر یہوداہ بولیا۔
بھرا: ”مہربانی کر کے بنیمین نوں مُڑ جاون دیو تے اوہدی تھاں مینوں آپنا غلام بنا لوو۔ نئیں تے ساڈا پیو دُکھ نال مر جاوے گا۔“
سارے بھراواں اکو را دِتی۔ فیر یوسف نے خود نوں اوہناں اُتے ظاہر کیتا۔
یوسف: ”کیہ تُساں مینوں نئیں پچھانیا؟ میَں یوسف اَں، تہاڈا بھرا۔“
اوہ کجھ ناں بول سکے۔ تے یوسف خوشی نال رون لگ پیا تے اوہناں ساریاں نوں گل نال لایا۔
یوسف: ”خدا نے مینوں مصر وچ گھلیا تاں جو تُسی سارے جیوندے رہ سکو۔ جاوو تے جا کے ساڈے پیو نوں ایتھے لیاوو تے آپنے خاندان نوں وی۔ اجے کال دے پنج سال باقی نے، پر میَں تہاڈا دھیان رکھاں گا۔“
اوہنے اوہناں نوں مُڑ گھر لے جاون لئی بہت سارے تحفے دِتے۔
اوہناں دا پیو بڑا خوش ہویا جدوں اوہنے سُنیا پئی یوسف جیوندا اے۔ اوہدے بعد، چھیتی ای ۰۷ لوک آپنا مال ڈنگر لے کے مصر دی ساریاں نالوں چنگی تھاں اُتے چلے گئے۔ ایڈی وڈی ضیافت!
۰۲ وریاں بعد یوسف نے آپنے پیو نوں فیر ویکھیا۔ خدا نے ہرشے نو بھلیائی وچ بدل دِتا۔ تے اوہناں بھراواں نے آخر آپنی غلطی نوں منیا۔
بھرا: ”یوسف، اساں تیرے نال چنگا ورتاو نہیں کیتا مہربانی کر کے اوہدے لئی سانوں معاف کر دے۔ اسی شرمندہ اَں۔“
یوسف: ”میَں تہانوں معاف کرناں۔ تہاڈی نیت بُری سی پر خدا نے ایہہ سب بھلیائی وچ بدل دِتا۔“
خدا نے ہر شے نوں بھلیائی وچ بدل دِتا! ایہہ اوہدے منصوبہ سی پئی اوہدے لوک جیوندے رہ سکن۔
لوک: بیان کرن والی، نوکر، یوسف، بھرا
حقوق: بحق سی ای ایف جرمنی محفوظ نے۔