Sindhi, Dramas: Piece 041 – حاڪم ۽ يسوع

This page in HTML4 - Print - Bottom

Home -- Sindhi -- Perform a PLAY -- 041 (The chief and Jesus)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malagasy -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- SINDHI -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

!ڍراما- هنن کي ٻين ٻارن جي سامهون پڻ پيش ڪريو
ٻارن جي سامهون پيش ڪرڻ وارا ڍراما

14. حاڪم ۽ يسوع

مشنريءَ هٿ ۾ ڇُرو کنيو ۽ جھنگ جو ڏکيو رستو پار ڪيو۔ آسمان تي سج تمام گھڻو چمڪي رهيو هو۔ آخرڪار، هو ڀارت جي هڪ ڳوٺ ۾ پهتو۔ سردار کيس ڏاڍي خوشيءَ سان ڀليڪار ڪيو۔

انهي کان اڳ اُن قبيلي ۾ ڪڏهن بہ ڪو انگريز يسوع مسيح جي باري ۾ ٻڌائڻ لاءِ نہ آيو هو۔ ڍول وڄائي سڀني ماڻهن کي گڏ ڪيو ويو۔ مشنري خوشيءَ سان ڳالهائڻ شروع ڪيو۔

مشنري: ”خدا مون کي اوهان وٽ موڪليو آهي تہ جيئن اوهان کي خبر پوي تہ خدا وٽ ڪيئن وڃجي۔“

سردار کي هي خوشخبري ٻڌي تمام خوشي ٿي۔ هو اٿيو ۽ ڪجھہ وٺڻ لاءِ ويو۔

سردار: ”سردار پنهنجو ڪهاڙو خدا کي ڏئي ٿو۔“

پوءِ هن وڌيڪ ٻڌو۔

مشنري: ”خدا توهان سان پيار ڪري ٿو ۽ چاهي ٿو تہ توهان هن وٽ اچو۔ پر خدا پاڪ آهي ۽ توهان جا گناهہ هن وٽ وڃڻ وارو رستو بند ڪن ٿا۔ گنهگار ماڻهون آسمان ۾ نٿا وڃي سگھن۔“

هي ٻڌي ڀارتي ماڻهو اُداس ٿي ويا، ڇوتہ هو سچ ڳالهائي رهيو هو۔ انهن ماڻهن چوريون ڪيون هيون، ڪوڙ ڳالهايو هو ۽ قتل ڪيا هئا، ۽ تنهن ڪري هو شرمندہ هئا۔

مشنري: ”اُداس نہ ٿيو۔ خدا توهان سان پيار ڪري ٿو۔ هو توهان کي توهان جي گناهن کان ڇٽڪارو ڏيڻ چاهي ٿو۔“

ان بابت خوش ٿي، سردار اٿيو ۽ وڃي هڪ خوبصورت ۽ رنگين قالين کڻي آيو۔

سردار: ”سردار خوش آهي تہ خدا هن پيار ڪري ٿو، تنهنڪري هو خدا کي قالين ڏئي ٿو۔“

مشنري: ”خدا پنهنجي پٽ کي دنيا ۾ موڪليو تہ جيئن هو سڀني ماڻهن جي گناهن جي ڪري پاڻ کي قربان ڪري۔“

خدا گھڻو ڪجھہ ڪيو آهي! سردار پري هليو ويو تہ جيئن اُها قيمتي شيءِ کڻي اچي جنهن تي هن قبضو ڪيو هو۔

سردار: ”سردار خدا کي پنهنجو گھوڙو ڏئي ٿو۔ هاڻي مون وٽ ٻِي ڪا شيءِ ناهي جيڪا مان خدا کي ڏيان۔“

ڇا واقعي، ڪا ٻي شيءِ ناهي؟ مشنري ٻيهر چيو۔

مشنري: ”يسوع، خدا جي پٽ، پنهنجي مرضيءَ سان صليب تي توهان جي گناهن جي ڪري جان ڏني۔ هو توهان سان پيار ڪري ٿو۔ ان تي ڀروسو رکو ۽ هو توهان کي توهان جي گناهن کان ڇٽڪارو ڏيندو ۽ توهان هڪ ڏينهن آسمان جي بادشاهي ۾ داخل ٿي ويندا۔“

سردار جو چهرو چمڪي پيو۔

سردار: ”اڙي ها، مون کي خبر آهي تہ مان خدا کي اڃان ڇا ڏئي سگھان ٿو۔ مان هن کي پنهنجو دل ڏيان ٿو ۽ يقين ڪريان ٿو تہ هن منهنجي لاءِ پنهنجي جان ڏني آهي۔“

۽ ٻين ڪيترن ماڻهن ائين ئي ڪيو ۽ خوشيءَ خوشيءَ سان پنهنجي خيمن ۾ هليا ويا۔

ڇا توهان بہ هي خوشيءَ حاصل ڪرڻ چاهيو ٿا؟ تہ پوءِ سردار جي مثال تي عمل ڪريو ۽ مالڪ يسوع تي ڀروسو رکو۔

ماڻهون: بيان ڪرڻ واري، مشنري، سردار

This page in HTML4 - Print - Top