24. طيفام، جادوگر ڊاڪٽر جي ڌيءُ 1

هيٽي جي جبلن تي سج چمڪيو۔ طیفام پنهنجي والدين سان گڏ هڪ ننڍڙي مٽي واري جھونپڙي ۾ رهندي هئي۔ هو تمام غريب هئا ۽ هميشہ بدروحن جي ڊپ ۾ رهندا هئا۔ اهي سچي خدا جي باري ۾ ڪجھہ بہ نہ ڄاڻندا هئا جيڪو انهن سان پيار ڪندو هو ۽ جنهن چيو هو: ڊڄو نہ، ڇو تہ آئون توهان سان گڏ آهيان۔

طیفام جو پيءُ، چڙيلن جو ڊاڪٽر، اورَسٽل، صبح جو جلدي اٿندو هو، ۽ ان جي ماءُ گھر جو ڪم ڪندي ۽ ٻنين ۾ بہ ڪم ڪندي هئي۔ طیفام کي بہ اڪثر انهن جي مدد ڪرڻي پوندي هئي۔

ماءُ: ”طیفام، پاڻ ٻني کوٽي لاهوري گجر ڪڍنداسون ۽ سڀاڻي انهن کي بازار کڻي وينداسون۔ وڃ ۽ وڃي ڪيلن جا پن وڍ تہ جيئن مان انهن کي ٽوڪري ۾ وڇائي سگھان۔“

طیفام: ”جيڪڏهن مان ائين ڪنديس، تہ ڇا توهان مون کي اهي نوان ڪپڙا وٺي ڏيندئو جنهن جو توهان مون سان واعدو ڪيو هو؟“

ماءُ: ”اسين ڏسنداسون۔“

طیفام ڇرو ورتو ۽ ڪيلن جي ٻوٽن ڏانهن هلي وئي۔ ان جي ساهيڙي ٻني جي وچ مان ڊوڙندي ان وٽ آئي۔

مريم: ”طیفام! طیفام!“

طیفام: ”مريم، سڀاڻي مون کي نوان ڪپڙا ملندا، اهي جن تي لفظ لکيل هوندا۔“

مريم: ”لفظ؟ تون تہ پڙهي نہ ٿِي سگھين۔ مان پهرين پڙهڻ سکنديس ۽ پوءِ مان اهڙو ڪجھہ وٺنديس۔“

طیفام: ”ڇا تون منهنجي پيءُ کان نئون تعويذ وٺندين جنهن سان تون محفوظ رهندين؟“

مريم: ”نہ، مان هاڻي تعويذ نہ پائيندي آهيان۔ اسان هاڻي مسيحي ٿي ويا آهيون ۽ بائبل وٺنداسون۔“

طیفام: ”مريم، تون چرِي ٿي وئي آهين! بدروحن کي اهو سڀ پسند نہ آهي۔ تون بيمار ٿي ويندين۔“

مريم: ”طیفام، هاڻي مون کي ڊپ نہ ٿو لڳي۔ يسوع بدروحن کان وڌيڪ طاقتور آهي۔ ان چيو آهي: ڊڄو نہ، ڇو تہ آئون توهان سان گڏ آهيان۔ وڪٽر اسان کي اها ڳالهہ بائبل مان ٻڌائي آهي۔“

طیفام: ”اهو سڀ ڪوڙ آهي، سڀ ڪوڙ۔“

طیفام پنهنجي تعويذ کي پڪڙي رکيو ۽ ڀڄي وئي۔

طیفام: ”امان، مريم هاڻي تعويذ نہ پائيندي ڇو تہ اهي مسيحي ٿي ويا آهن۔“

مسيحي اهي ماڻهو هوندا آهن جيڪي يسوع سان تعلق رکن ٿا ۽ ان ڪري، هاڻي انهن جو تعويذ سان، ڌاڳن ڦڻن، قسمت جي حال سان ۽ توھم پرستي سان ڪو تعلق نہ آهي۔

خدا پنهنجي ڪلام ۾ انهن شين کان منع ڪري ٿو۔

ڇا توهان اهڙين شين تي ڀروسو رکو ٿا، يا توهان يسوع تي ڀروسو ڪندا؟ رڳو يسوع ئي توهان جي حفاظت ڪري سگھي ٿو ۽ توهان جي مدد ڪري سگھي ٿو۔ هو توهان کي بہ چوي ٿو: ڊڄو نہ، ڇو تہ آئون توهان سان گڏ آهيان۔

طیفام خبر نہ هئي تہ اسان يسوع کان دعا گھري سگھون ٿا۔ هو هميشہ ڊڄندي رهندي هئي۔

جڏهن اورَسٽل، چڙيلن جي ڊاڪٽر، اهو ٻڌو تہ مريم ۽ ان جا والدين مسيحي ٿي ويا آهن، ان جو چهرو اداس ٿي ويو ۽ پوءِ۔۔۔۔۔۔۔

هن سچي مشنري ڪهاڻي ۾ اڳتي ڇا ٿيو اهو ايندڙ ڊرامي ۾ ٻڌايو ويندو۔

ماڻهون: بيان ڪرڻ واري، طيفام، ماءُ، مريم

ynamreG FEC :thgirypoC ©