STORIES for CHILDREN by Sister Farida

(www.wol-children.net)

Search in "Armenian":

Home -- Armenian -- Perform a PLAY -- 042 (TiFam, daughter of the witch doctor 1)

Previous Piece -- Next Piece

DRAMAS -- perform them for other children!
Plays for children to perform

42. Թի-Ֆամ, կախարդ-բժշկի աղջիկը 1


Հայիթիի լեռների վրա արև ծագեց։ Թի-Ֆամն իր ծնողների հետ ապրում էր փոքրիկ, ցեխոտ խրճիթում։ Նրանք շատ աղքատ էին և միշտ վախենում էին չար ոգիներից։ Նրանք ոչինչ չգիտեին ճշմարիտ Աստծո մասին, Ով սիրում էր նրանց և ասել է. «Մի՛ վախեցիր, որովհետև Ես քեզ հետ եմ»։

Թի-Ֆամի հայրը՝ կախարդ-բժիշկը՝ Օրեստիլը, վաղ առավոտյան էր արթնանում, իսկ նրա մայրը տնային գործեր էր անում և աշխատում դաշտում։ Թի-Ֆամը հաճախ ստիպված էր օգնել նրանց։

Մայրիկ. - Թի-Ֆա՛մ, մենք գնում ենք կարտոֆիլ հավաքելոււ, որ վաղը տանենք շուկա։ Գնա՛ և կտրի՛ր բանանի տերևներ, որ դնեմ զամբյուղի մեջ։

Թի-Ֆամ. - Եթե անեմ, ինձ համար կգնե՞ս նոր զգեստ, որը խոստացել ես։

Մայրիկ. - Կտեսնենք։

Թի-Ֆամը վերցրեց սուր դանակը և գնաց բանանի դաշտ։ Նա դաշտի ճանապարհին հանդիպեց իր ընկերոջը։

Մարի. - Թի-Ֆա՜մ, Թի-Ֆա՜մ։

Թի-Ֆամ. - Մարի՛, ես վաղն ինձ նոր զգեստ եմ գնելու, այն մեկը, որը բառեր ունի վրան։

Մարի. - Բառե՞ր, դու նույնիսկ կարդալ չգիտես։ Ես նախ կարդալ կսովորեմ, հետո ինչ-որ բան կգնեմ։

Թի-Ֆամ. - Իմ հայրիկից նոր թալիսմա՞ն ես գնելու, որ պաշտպանված լինես։

Մարի. - Ո՛չ, ես այլևս թալիսմաններ չեմ կրում։ Մենք քրիստոնյա ենք դարձել, և ես Աստվածաշունչ եմ գնելու։

Թի-Ֆամ. - Մարի՛, դու խե՛նթ ես։ Չար ոգիներին դա ընդհանրապես դուր չի գա։ Դու կհիվանդանաս։

Մարի. - Թի-Ֆա՛մ, ես այլևս չե՛մ վախենում։ Հիսուսն ավելի հզոր է, քան չար ոգիները։ Նա ասել է։ «Մի՛ վախեցիր, որովհետև Ես քեզ հետ եմ»։ Սա մեզ Վիկտորն է ասել Աստվածաշնչից։

Թի-Ֆամ. - Դրանք ստե՛ր են, ամբողջովին սո՛ւտ է։

Թի-Ֆամը բռնեց իր թալիսմանը և վազեց։

Թի-Ֆամ. - Մայրի՜կ, Մարին այլևս թալիսման չի կրում, քանի որ նրանք քրիստոնյա են դարձել։

Քրիստոնյաները մարդիկ են, ովքեր պատկանում են Հիսուսին և այդ պատճառով այլևս չեն ուզում որևէ կապ ունենալ կախարդության, կենդանակերպերի, աստղագուշակների կամ սնահավատության հետ։ Աստված այս բաներն արգելում է Իր Խոսքում։

Արդյոք կախվա՞ծ ես այսպիսի բաներից, թե՞ հավատում ես Հիսուսին։ Նա կարող է լինել քո պաշտպանը և օգնականը։ Նա քեզ նույնպես ասում է։ «Մի՛ վախեցիր, որովհետև Ես քեզ հետ եմ»։

Թի-Ֆամը չգիտեր, որ մենք կարող ենք աղոթել Աստծուն։ Նա միշտ վախի մեջ էր ապրել։

Երբ Օրեստիլը՝ կախարդ-բժիշկը, լսեց, որ Մարին և իր ծնողները քրիստոնյա են դարձել, դեմքը խոժոռեց և…

Իսկ թե ինչ պատահեց միսիոներական այս իրական պատմության մեջ, կիմանաս հաջորդ թողարկմանը։


Հերոսներ` հեղինակ, Թի-Ֆամ, մայրիկ, Մարի։

© Copyright: CEF Germany

www.WoL-Children.net

Page last modified on March 12, 2020, at 10:04 AM | powered by PmWiki (pmwiki-2.2.109)