STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 142 (Doomed man 3)

Previous Piece -- Next Piece

JUCH’UY WAKICHIYKUNA – rejsichisqa waj wawakunapaj!
Juchuy Kuentitus wawaskunapaj Ruwaskan

142. Wañunapaj churakuy 3


Médico: "Señor Taylor, manapuni allinchu kashanki, allin kanman uj papelpi encargakuspa testamentota ruwanayki. Mana unaytawan kawsawajñapunichu."

Hudson Taylor: "Mana, mana, kawsanayraj tiyan. Dios llank’anata yuyachishawan China suyupi. Wañusajpuni chayrí, Jesúswan khuskaña kasaj, chaypis kusichillawantaj."

Hudson Taylorqa, uj millay onqoywaj chimpaykuchikusqa uj wañusqa runata llankhasqanrayku. Nipipis yuyasqañchu kutirinantaqa, Jesúsrí waqaychasharqapuni. Hudsonqa estudiyallasqapuni doctor kanampaj, imaraykuchus chayta necesitarqa misionero China suyupi kanampajqa. 19 p’unchay septiembre killapi 1853 watapi chay suyasqan p’unchay chamusqa. Manchay kusisqa barco "Dumfries" nisqaman llojsisqa, chaytaj risqa Inglaterramanta China suyuman, mama qochanta tuykuspa rej barco.

Manaraj chhika karuta rishajtinkutaj, manchay sinch’i wayrapuni jatarisqa mama qochapeqa. Yakoqa chhika patasqa oqharikuspa barcota t’unaykoj jina kasqa, Jesúsrí atiyniyoj waqaychajqa mana saqellasqachu chay barco p’ultikunantaqa.

Qhepan p’unchay manaña wayra kasqañachu, chayraykutaj manaña barcoqa ñawpajman riyta atillasqatajchu, chay barcoqa jatuchej banderas jina laphaqejkunayoj kasqa á, chaytataj wayralla laphaqhechispa purichillajtaj kasqa. Barcota purichej capitanqa.

Capitán: "Uumm, kaypicha tukukuyninchejqa, mana imatapis ruwayta atisunmanñachu."

Hudson Taylor: "Ari, ujta ruwayta atinchejrajpuni."

Capitán: "¿Imata á?"

Hudson Taylor: "Diosmanta mañakuyta atinchej, Diostata wayrata kachamunampaj."

Hudson Taylorqa orayta qallarisqa, Diospi creyesnenqa sinch’i karqa yanapampaj.

Hudson Taylor: "Kachariychej chay laphaqejta."

Capitán: "¿Imataj chayri, ima wayra kuyuchinqari, wá?"

Hudson Taylor: "Diostata wayrata kachamuwasun."

Capitán: "Jajaj… ama asichiwaychu, chayta rikuyta munani aver wayrachimuchun."

Chay asikojtaj uj milagrota rikusqapuni. Kaymanta jinalla ujta wayraspa barcoj laphaqenanta kuyurichisqapacha, chaynejpi sayarayashasqankumantataj puririsqankupacha.

Phisqa killa junt’atapuni Jesúsqa waqaychay makinwan waqaychasqa mama qocha chawpipi mana allin kajkunamanta barco "Dumfries", chayanankukama Shanghai nisqa cheqaman.

Hudsonqa kusiymanta waqarikusqa China jallp’aman saruykuspaqa. Chaypi tukuy runakunaman parlayta munarqa atiyniyoj waqaychaj Diosmantaqa, chayaytawankama chay suyumanta parlayta yachakuyta qallarisqapacha, chayta mana facilchu kallasqataj, atisqanta kallpakusqa yachanapaj, wakinkuti qallu watana jina kasqa (trabalenguas).

Hudson Taylor: "Sirr Jesu ai o, za tscheng tsching kau su o." (Cristo munakuwan, Bibliapi chayta nin)

Askha chinokuna suyashankumampis, píllapis chayaspa Señor Jesúsmanta paylaykunatan jina kasqa.

Hudsonwan khuska yachakojwanqa mana allin jap’eqasqaschu kasqanku maymanchus risqankupeqa.

Mujer: "Ama riychu Tungschau-manqa. Chaypi runakuna malos kanku, wañuchisunqachej, chayri carcelmanchus wisq’aykusunqachej."

Hudson Taylor: "Maypichus runakuna malos kanku chayqa, chaymampuni astawampis rinanchej tiyan. Paykuna Jesúsmanta yachanankupuni tiyan."

(Sonido de tumulto) uumm ¡imachá karparín!... chayta qhepampi yachasun.


Personas: Relator, médico, Hudson Taylor, capitán, mujer

© Copyright: CEF Germany

www.WoL-Children.net

Page last modified on August 08, 2023, at 05:12 PM | powered by PmWiki (pmwiki-2.3.3)