STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 026 (A friend betrays Jesus)

Previous Piece -- Next Piece

DRAMAS -- perform them for other children!
Plays for children to perform

26. Jesusta uj kawsaqen wasanchan


Amigochu enemigochu, ¿ima ninkitaj?

Manachay usqayta uj runa k’ullku Jerusalempa ñankunanta t’ijushasqa. Jinallapi iskayrayarispa jina qhepata qhawarisqa, jinapis ñapis sumo Sacerdotej punkun chimpapiña kashasqa, chay wasi ukhupitaj imaynamanta Jescristota wañuchinankupaj wakirichikushasqanku. Mayqenchus punkuta kicharqamusqa, jesuspa yachachisqa chaynejpi kashasqanta rikuspataj manchharikusqa. Uj amigo rin enemigoswan tinkoj, ¿ima niytataj chay munanrí?

Judas: "¿Imatataj qowankichejman, sichus noqa niykichejman maypichus Jesusta jap’inaykichejta, chay?"

Chay runakunaj uyanku chayta nejtinkama ujinayarisqa, asirej jinataj manataj qhawasqanku.

Sumo Sacerdote: "Kinsa chunka qolqe monedasta qosqayku."

Usqayllata chay tratota ruwarpasqanku. Manchay kusisqa Judasqa llojsirimusqa chay palaciomantaqa.

Conciencia: "Judas, Jesuspa yachachisqanchu kanki. ¿Imaynatataj yachachejniykita wasanchayta atinki qolqeraykullarí?"

¿Manapunichu ujchhikallantapis sonqonta nanarichikunman karqa? Kinsa wata junt’ata Jesuspa amigon karqa qhewasqaman jinaqa, jinapis sonqonqa Jesusmanta karupi kasharqa. Kunantaj imaynamanta jap’inankumpaj ch’ataykuspa jaywaykunampaj purishan. Chay tukuytataj Jesús yacharqapuni. Payqa sapa ujpa imayna kayninta sumajta yachan, nimapis paymanta ayqenmanchu. Ajinapuni kanan karqa.

Jesúsqa yacharqa chay wañunan hora chayamushsqantaña, chayrayku Getsemaní nisqa orqoman oraj ripusqa. Jinallapi manchay ch’ajwa uyarikusqa laqha tutaj sonqompi: Judas chanta uj tropa soldados ima rikhurisqaku k’anchanas oqharisqa, jinataj k’aspisniyoj ima.

¿Amigochu enemigochu?

Uj much’aykuy, chaywan rikuchisqa kawsaqen kasqanta, pitacha much’aykusaj, chay kanaqa Jesusqa nispa nisqa Judas soldadosmanqa. Chayta ruwajtinkamataj usqay usqayta soldados Jesusta jap’isqanku.

Ni chhikanta khuyarikuspataj tukuy atisqankuta ñak’arichisqanku. Maqaspa, jasut’ispa, uyampi thuqaykusqa chay mana juchayojqa kasharqa juezpa ñawpaqempi. Mana kajmanta llulla testigos ch’ataykorqanku. Templota qhawaj guardiataj qhaparisqa:

Guardia del Templo: "¿Manachu imatapis ninki chay jinata ch’ataykusojkunamanqa?"

Jesustaj mana imatapis nerqachu, ch’inlla karqa.

Sumo Sacerdote: "Ujkama niy, ¿cheqapunichu qan Diospa wawan kanki?"

Jesús: "Arí, noqa kani."

Pueblo: "Ni jayk’aj á."

Pueblo: "Manapuni chayta creykucho."

Pueblo: "Wañuchisqa kanan tiyan."

Pueblo: "Arí, chinkachiychej."

Pueblo: "Wañunan tiyan."

Mana munarqankuchu cheqapuni Diospa wawan kasqanta creytaqa...

Qhepampi kaymanta astawan uyarinki.


Personajes: Relator, Judas, sumo sacerdote, conciencia, guardia del templo, Jesús, pueblo

© Copyright: CEF Germany

www.WoL-Children.net

Page last modified on April 14, 2021, at 01:20 PM | powered by PmWiki (pmwiki-2.2.140)