69. میرےماں پیو وکھ ہو گئےنے

کُڑی: ”اوہ اک ودھیا کھیڈ سی۔“

مُنڈا: ”اساں سوالاں دا مقابلہ جِت لیا اے۔“

کُڑی: ”واہ۔“

بچے خوش سن جدوں اوہناں نے جواناں دی ٹولی نوں رب راکھا آکھیا۔ پر سٹیفی خوش نئیں سی۔

بیان کرن والی: ”سٹیفی، کیہ تینوں کوئی مسئلہ اے؟ توں کجھ چِر تھوں وکھری جیہی لگدی پئی ایں۔ کیہ توں ٹھیک ایں؟“

سٹیفی: ”سب مُک گیا اے۔ میرے ابو ہن ساڈے نال نئیں نے۔ اوہ دور ٹُر گئے نے۔ کلے، مینوں تے میری بہن نوں لئے بغیر۔ میری امی آکھدی اے پئی اوہناں دا کسے ہور کُڑی نال تعلق اے۔ اوہ اوہنوں ساڈے نالوں ودھ پیار کردے نے۔“

بیان کرن والی: ”ایہہ تے تہاڈے لئی بڑی دُکھ والی گل ہووے گی۔ مینوں پتہ اے پئی کیہ حالت ہوندی اے جدوں ماں پیو وکھ ہو جاون۔“

سٹیفی: ”اوہ جدوں دے سانوں چھڈ کے گئے نے بڑا رُکھا رُکھا لگدا پیا اے۔“

بیان کرن والی: ”تے توں کلا محسوس کرنی ایں، کرنی ایں ناں؟“

سٹیفی: ”میَں اوہدے نال نفرت کر دی اَں۔ اوہ میرے ابو نوں دُور لے گئی اے۔ کیہ تہانوں لگدا اے پئی اوہ کدی ساڈے کول مُڑ آون گے؟ کیہ یسوع فیر تھوں سارا کجھ پہلاں وانگ نئیں کر سکدا؟“

بیان کرن والی: ”مینوں پورا یقین اے پئی اوہ کر سکدا اے، سٹیفی۔ اوہ چاہندا اے پئی ہر خاندان ترقی کرے۔ اوہ ایس طرح وکھ ہون نوں چنگا نئیں جاندا۔ پر اک مسئلہ اے۔“

سٹیفی: ”مسئلہ کیہ اے؟“

بیان کرن والی: ”لوک اوہناں دا مسئلہ نے۔ لوک اوہ نئیں کرنا چاہندے جو اوہ اوہناں نوں کرن لئی آکھدا اے۔ اوہ آپنی مرضی دے راہ اُتے ٹُرنا چاہندے نے تے طلاق لینا چاہندے نے۔ جدوں وی ایس طرح ہوندا اے تے بچیاں نوں بڑی مشکل ویکھنی پیندی اے۔ تے ایہہ ڈونگی سٹ چھڈدا اے۔“

سٹیفی: ”میری خواہش اے پئی میرے ابو مُڑ آون تے سارا کجھ اوسے طرح ہو جاوے جس طرح پہلاں سی۔“

بیان کرن والی: ”میَں ایہدے لئی دعا کراں گی، تے میَں جاندی اَں پئی یسوع وی ایہو چاہندا اے۔ پر ایس تھوں ہٹ کے وی کجھ ایسا ہوندا اے تے جان لویں پئی اوہ ساریاں سٹاں نوں چنگا کر سکدا اے، سٹیفی۔ ایہدے وچ بڑا ویلا وی لگ سکدا اے تے بہتی وار سٹاں فیر تھوں سجریاں ہو جاندیاں نے۔“

سٹیفی: ”جدوں وی میَں آپنے ابو بارے سوچدی اَں تے مینوں رونا آوندا اے۔“

بیان کرن والی: ”میَں ایہہ سمجھ سکدی اَں۔ ویکھ، یسوع تینوں ایس آیت دے وسیلے تسلی دینا چاہندا اے جیہڑی ایس کارڈ اُتے لکھی اے۔ مہربانی نال ایہنو پڑھ۔“

سٹیفی: ”میرے ماں پیو نے مینوں چھڈ دِتا، پر خداوند مینوں قبول کردا اے۔“

بیان کرن والی: ”لوک سانوں ناامید کردے تے چھڈ دیندے نے، پر یسوع کدی ایس طرح نئیں کرے گا۔ توں اوہدے نال رو سکدی ایں تے آپنا دل اوہدے اگے کھول سکدی ایں۔ اوہ سدا تیرے بڑے کول اے۔ کارڈ تینوں ایہدی یاد دواندا رہوے گا، ایس لئی میَں ایہہ تینوں دیندی پئی اَں۔“

سٹیفی: ”شکریہ، کیہ میَں فیر کدی کدی تہاڈے نال ایہدے بارے گل کر سکدی اَں؟“

بیان کرن والی: ”ضرور۔ میَں سدا تیرے لئی ویلا کڈھ لواں گی، سٹیفی۔“

سٹیفی: ”ہن میَں جانا اے۔ رب راکھا۔“

بیان کرن والی: ”رب راکھا، میَں تینوں فیر ملاں گی۔ توں مینوں لکھ کے وی گھل سکدی ایں۔“

لوک: بیان کرن والی، سٹیفی، مُنڈا، کُڑی

حقوق: بحق سی ای ایف جرمنی محفوظ نے۔