STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 096 (My parents are separated)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

96. Miene Elren tranen sich


Mäadche: "Daut Spell wia scheen."

Junj: "Wie haben biem Rotzel jewonen."

Mäadche: "Aunjäwa."

Schaftich doonen sich de Kjinja von de Jungschar veaufscheeden. Bloos Steffi nich.

Vetala: "Steffi, waut es los met die? Du best in latsta Tiet gaunz aundasch. Jeit die daut nich goot?"

Steffi: "Aules es dom. Mien Papa es nich mea doa. Hee es fuatjegonen. Auleen, one mie un miene Sesta. Mama sajcht, hee haft eene Freundin. Dee es hee gooda aus ons."

Vetala: "Daut es werklich schlem fa die. Ekj weet, woo daut es, wan Elren sich tranen."

Steffi: "Daut es soo eensom un langwielich, von don aus hee nich doa es."

Vetala: "Un du feelst die gaunz un koa veloten, nich soo?"

Steffi: "Ekj hauss ar, see haft mie mienen Papa wajchjenomen. Jleefst du, daut hee wada no ons kjemt? Kaun Jesus daut doonen, daut aules wada goot woat?"

Vetala: "Ekj sie mie gaunz secha, daut hee daut kaun, Steffi. Wiels hee well, daut jieda Famielje jlekjlich es. Hee well daut nich, daut de Elren sich tranen. Oba doa es een Probleem."

Steffi: "Waut fa een Problem?"

Vetala: "De Menschen sent sien Problem. See wellen nich waut hee well. See gonen leewa äaren iejnen Wajch un loten sich scheiden. Kjinja deit daut wee. Daut es aus een deepet Schlems."

Steffi: "Ekj wensch mie, daut mien Papa wada kjemt un aules goot woat."

Vetala: "Doafäa well ekj bäden, wiels Jesus well daut uk. Oba wan daut aundasch kjemt, Steffi, dan well hee dien Schlems jesunt moaken. Daut kaun lanj dieren un mauchnmol jeit daut uk wada op."

Steffi: "Ema wan ekj aun Papa denkj, mot ekj hielen."

Vetala: "Daut kaun ekj die vestonen. Kjikj mol, met disem Bibelfarsch opp dise Koat well Jesus die treesten. Las doch mol."

Steffi: "Mien Voda un miene Mutta veloten mie, oba de Har nemt mie opp."

Vetala: "Menschen enttäschen un veloten ons, oba Jesus niemols. Bie am kaust du hielen un dien Hoat utscheden. Hee es gaunz dichtbie die. De Koat deit die denkjen halpen, ekj schenkj die dee."

Steffi: "Dankscheen. Kaun ekj mie mol wada met die vetalen?"

Vetala: "Secha. Ekj hab ema Tiet fa die, Steffi."

Steffi: "Ekj mot nu gonen. Chau."

Vetala: "Chau, bat boolt. Du kaust mie uk schriewen."


Persoonen: Eena waut vetalen deit, Steffi, Junj, Mäadche

Copyright: CEF Germany

www.WoL-Children.net

Page last modified on April 29, 2020, at 10:30 AM | powered by PmWiki (pmwiki-2.2.140)