Home -- Punjabi -- Perform a PLAY -- 078 (Lou Ling makes a decision)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
87. لو لنِگ فیصلہ کردی اے
لولنگ نوں اک بہت وڈا مسئلہ سی۔ اوہنے اوس بُت بارے سوچیا جیہڑا سامنے دے بوہے دے اُتے کند وچ لگے تختے اُتے پیا سی۔ اوہ چین وچ رہندی سی تے اوہدےماں پیو نے ایہہ آکھیا ہویا سی پئی ایہہ لکڑ دا ٹوٹا خدا اے۔
اےسچ نئیں، ایہہ بالکل سچ نئیں ہو سکدا۔ جیوندا خدا تے اسمان اُتے وے، تے ایہہ مورتی تے کجھ وی نئیں سی سوائے اک مرے ہوئے بُت دے۔ اوہدے ہتھ سن پر اوہ کسے دی مدد نئیں کرسکدا سی۔ اوہدا مُنہ وی سی پر بول نئیں سکدا سی۔ اوہدے کن سن، پرسُن نئیں سی سکدا۔
لوک اوس بُت دی پوجا کردے سن پر اوہ ایہہ نئیں جاندے سن پئی جیوندے خدا نے ایہدے توں منع کیتا اے: میَں خداوند تیرا خدا اَں، توں ہور کسے نوںسجدہ نہ کریئں سوائے میرے۔
لولنگ نے ایہدے بارے وچ سوچیا۔
لولنگ: ”کیہ ایہوسچا خدا اے جیہڑا ساڈی کند اُتے لگے تختے اُتے بیٹھا رہندا اے؟“
اوہ جیہڑےمسیحی سکول وچ جاندی سی، اوتھے اوہنے سچے خداوند دے بارے وچ سُنیا ہویا سی۔ اوہنے ایہہ سکھیا ہویا سی پئی خدا نے آپنا پُتر دُنیا وچ گھلیا تاں جو اوہ دُنیا وچ موجود ہر بندے دےلئی آپنی جان دے سکے۔ جدوں اوہنے ایہہ سُنیا پئی اوہ تین دِن بعد مُردیاں وچوں فیر جیو کھلوتا تے ہن اوہ اسمان اُتے رہندا اے تے ایہہ گل اوہدے جی نوں لگی۔
کون ٹھیک اے؟ کون سچا خدا اے؟ یسوع یا فیر اوہدے گھر وچ اوہ مورتی؟
لولنگ: ”میَں جاندی اَںمیَں کیہ کراں گی: میَں آپنے گھر دے اوس بُت نوں ویڑے وچ دب دیاں گی۔ تے جے اوہ جیو پیا، تے مینوں پتہ لگ جاوے گا پئی اوہ ای سچا خدا اے۔“
لولنگ نے کھُرپا لیا تے ویڑے وچ گئی تے بُت نوں دب دِتا۔ اوہ آپنی ایس ترکیب تھوں بڑی خوش سی تے مُڑ آپنے گھر چلی گئی۔ پہلا دن لنگ گیا۔ دوجے دن اوہ اوس نِکی قور دے کول گئی تے اوہنوں کھودیا تے اوہدے اُتوں تھوڑی جیہی مٹی ہٹائی۔مورتی اجے وی اوتھے ای پئی سی۔ اوہنے بڑی مشکل نال تیجے دن تیک اُڈیک کیتی۔ پراوس دن وی پہلے دناں وانگ اوہ بُت دھرتی وچ مویا ای پیا ہویا سی۔
لولنگ: ”ہن میَں خداوند یسوع اُتے یقین کردی اَں، جہنے میرے لئی آپنی جان دِتی تے فیر جیو کھلوتا۔“
لولنگ نے چنگا فیصلہ کیتا تے اکثر ایہہ تجربہ کیتا پئی جیوندا خدا اوہدے نال سی تے اوہنوں کدی کلا ناں چھڈیا۔
خدا آپنے کلام وچ آکھدا اے:
”میَں خداوند تیرا خدااَں؛ میرے علاوہ کوئی ہور تیرا خدا ناں ہووے۔ تیرے لئی میرے علاوہ ہور کوئی شےضروری ناں ہووے۔“
لوک: بیان کرن والی، لولنگ
حقوق: بحق سی ای ایف جرمنی محفوظ نے۔