STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 127 (Too late)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

127. Aules to lot


See wieren bat de Kaunt vom Wota jekomen un kroopen ut däm Boot rut. Entlich! Jairus brugt Jesus gaunz drinjend. Hee drenjd sich derch de Menschen un fol ver Jesus siene Feet.

Jairus: "Miene Dochta lijcht im stoawen. Kom schwind. Bitte, laj diene Henj opp ar, doamet see aum Läwen blift."

Jesus jinj met, see durwen kjeene Tiet velieren. Wuarom bleef hee dan oppeenmol stonen?

Jesus: "Wäa haft mie aunjefot?"

Maun: "Ekj nich. Hia drenjen un schuwen doch aula."

Jesus dreid sich om un sach de Fru, dee zettad un stund aules to.

Fru: "Ekj wull bloos dien Kjleet aunfoten. Twalw Joa wia ekj krank. Kjeen Dokta un kjeene Medizien haben mie jeholpen. Mien gaunzet Jelt hab ekj utjejäft, om jesunt to woaren. Oba aus ekj diene Kjleeda aunschieed, dan wort ekj fuaz jesunt."

Jesus: "Dien Gloowen haft die jeholpen. Fercht die nich!"

De Gloowen halpt! Wan du aun Jesus jleefst, woascht du nich enttäscht. Ooda denjst du, maunchet mol doch?

Bote: "Woo es Jairus? Jairus, ekj hab eene truiche Norecht fa di: Diene Dochta es jestorwen."

See wia noch mo twalw Joa. Jairus sien Gloowen fonk aun uttogonen soo aus een Tauljlicht vom Wint.

Jesus: "Fercht die nich. Jleew bloos!"

Dise fief Wieeda von Jesus leeten sienen Gloowen wada oppdachen. Un dan kaumen see ema noda no Jairus sien Hus. Bat opp de Gaus wia daut to hieren woo see hielden.

Jesus: "Wuarom hiel jie? Daut Kjint es nich doot."

De Menschen lachten Jesus ut. See hauden daut doch jeseenen. Jesus schegjd aule Menschen wajch. Bloos de Elren, un dree von sene Frind naum hee met in de Sto nen, woo daut Mäadche lach. Gaunz stell wia daut im Rum. Aus Jairus aun de fief Wieeda docht: Fercht die nich, jleew bloos? Gauf daut hia noch waut to jleewen?

Jesus jinj nom Bad von de Doodje un naum äare Haunt.

Jesus: "Talieta kum! Mäadche, sto opp!"

De Elren sagen daut, woo see de Uagen opmuak un oppstunt.

Jesus: "Jeft ar waut toom äten."

Daut säd de Har, de Kranke heelt un Doodje läwendich moakt. Jesus kaun aules! Oba eent kaun hee nich: Dee enttäschen, dee aun am jleewen.

Doawäajens, waut uk ema pasieren mucht in dienem Läwen: Fercht die nich, jleew bloos!


Persoonen: Eena waut vetalen deit, Jesus, Maun, Fru, Bote

Copyright: CEF Germany

www.WoL-Children.net

Page last modified on May 27, 2020, at 10:42 AM | powered by PmWiki (pmwiki-2.2.140)