STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 127 (Too late)

Previous Piece -- Next Piece

КУСИ ИЗВЕДБИ – одглуми ги пред други деца!
Куси изведби за да ги изведуваат деца

127. Предоцна


Пристигнале до брегот и излегле од чамецот. Конечно! На Јаир очајно му бил потребен Исус. Се втурнал низ толпата луѓе и паднал пред нозете на Исус.

Јаир: „Ќерка ми умира. Дојди брзо. Те молам стави ги рацете на неа за да биде излекувана“.

Исус тргнал со него. Морале да побрзаат. Зошто Исус одеднаш застанал?

Исус: „Кој ме допре?“

Човек: „Не бев јас. Но сите се туркаат и се влечат“.

Исус се свртел и видел жена која застанала пред Него треперејќи.

Жената: „Сакав само да ги допрам полите на Твојата наметка. Бев болна дванаесет години. Ниеден лекар и ниеден лек не ми помогнаа. Ги дадов сите свои пари за да можам да оздравам. Но, кога ја допрев Твојата облека, веднаш се излекував!“

Исус: „Твојата вера те оздраве. Не плаши се!“

Верата помага! Нема да бидеш разочаран, ако веруваш во Исус. Или мислиш дека тоа може некогаш да се случи?

Гласник: „Каде е Јаир? Јаир, имам лоши вести за тебе: ќерка ти е мртва“.

Таа имала само дванаесет години. Верата на Јаир била опасно близу до исчезнување, како пламен на свеќа при ветер.

Исус: „Не плаши се. Наместо тоа верувај Ми!“

Овие зборови на Исус уште еднаш ја запалиле неговата вера. Тогаш ја виделе куќата на Јаир.

Уште од улицата можело да се слушне лелекањето и плачењето на тие кои тагувале.

Исус: „Зошто плачете? Детето не е мртво“.

Сите Му се потсмевале на Исус. Ја виделе со свои очи. Исус ги испратил сите луѓе. Само на родителите и тројца Негови блиски пријатели им било дозволено да дојдат со Него во спалната соба каде што лежело девојчето. Во собата владеела мртва тишина. Дали Јаир размислувал за зборовите на Исус: „Не плаши се. Наместо тоа верувај Ми“? И во што требало да верува тогаш?

Исус отишол до креветот на мртвата ќерка и ја фатил за рака.

Исус: „Талита Куми! Ќерко, стани!“

Родителите виделе како девојчето ги отворило очите и станало од креветот.

Исус: „Дајте ѝ нешто да јаде“.

Господ го рекол ова, Оној Кој лекува болни и воскреснува мртви.

Исус може да направи сè! Освен едно нешто: не може да ги разочара тие кои веруваат во Него.

Затоа, што и да се случи во твојот живот не плаши се, наместо тоа верувај Му!


Улоги: Раскажувач, Јаир, Исус, човек, жена, гласник.

© Copyright: CEF Germany

www.WoL-Children.net

Page last modified on August 08, 2023, at 08:59 AM | powered by PmWiki (pmwiki-2.3.3)