STORIES for CHILDREN by Sister Farida

(www.wol-children.net)

Search in "Fulfulde":

Home -- Fulfulde -- Perform a PLAY -- 127 (Too late)

Previous Piece -- Next Piece

DRAMAS -- perform them for other children!
Plays for children to perform

127. Lannii laawaade


Åe hewtii ka pencen, åe yaIti ka laana. Ka sakkitorun, Yaayirusu hari no hanndi ee annabi Iisaa. O guuwi jamaa on, o sujjani annabi Iisaa.

Yaayirusu : "Jiwo an on no mayde. Aru tinna. Mi jeejii ma fawu junngo maa ngon e hoore makko no o sellira."

Annabi Iisaa yaadi e makko. Tawi bee åe heñoo. Ko fii honɗun annabi Iisaa dartanii tun nde wootere?

Iisaa : "Ko hombo meemi lan?"

Gorko : "Wonaa min. Fow no duññidira."

Annabi Iisaa yiltitiii, o yi’i debbo on no diwna åaawo makko.

Debbo : "Ko kobbol dolokke maa on tun mi faalanoo meemude. Mi nawnii yeru duuåi sappoo e ɗiɗo. Ñawdoowo hay gooto e lekki hay wooti wallitaaki lan. Mi okkitirii mbuuɗi an ɗin fow fii no mi hettira cellal an ngal. Kono mi meemu kombol dolokke mon ngol tun, mi selli kisan!"

Iisaa : "Gomɗinal maa ngal sellinii ma. Wota a hulu!"

Gomɗinal ngal wallitoto! A ninsataa si hawrii hiɗa gomɗini e innde annabi Iisaa nden. Kaa hiɗa miijaade fii ko heåata maa kon ñannde goo?

Imminaaɗo : "Ko honto Yaayirusu woni? Yaayirusu miɗo jogii kumpite bonɗe fii maa : jiwo maa on maayii."

Ko duuåi sappoo e ɗiɗi tun o heåunoo. Gomɗinal Yaayiruusu ngal hari neeåataa mula, wano jalbeendi pitiolol ngol ɗaanorta non yeeso henndu ndun.

Iisaa : "Wota a hulu, gomɗin tun."

Ɗin konguɗi annabi Iisaa jalbini gomɗinal makko ngal nde wootere kadi. Ko onsay non åe hewti ka suudu Yaayirusu.

Hiɗen waawa nanude woytanɗe yimåe wullooåe åen ka woɗɗitii.

Iisaa : "Ko fii honɗun wullantaa? Paykun kun maayaali."

Hari fow no jala annabi Iisaa. Åe yi’irii mo gite maååe ɗen tigi. Annabi Iisaa yaltini åe åe fow. Ko mawåe åen e weldiååe makko tato kanko annabi Iisaa tun newnanoo luttugol ka nder suudu ka jiwo on wallinaa ɗon. Hari mayɗo on no ka nder saabur ton e nder deýýere makko. Hara Yaayirusu miijitino fii yewtereeji annabi Iisaa ɗin : "Wota a hulu, gomɗin tun."? E ko honɗun o haanunoo gomɗinde e ɗun?

Annabi Iisaa yaari ka jiwo mayɗo on wallinaa ɗon, o nanngi junngo jiwo on.

Iisaa : "Talitaa kumi! Jiwo, immo!"

Mawåe åen yi’i ko honno o udditiri gite makko ɗen e no o immori ka danki makko.

Iisaa : "Okkoree mo ko o ñaama."

Ko Joomiraaɗo on woni ko yewti ɗun, kanko sellinoowo nawnuåe åen wurnitoowo on mayåe åen.

Alaa ko annabi Iisaa ronki! Ko huunde wootere tun woni o waɗataa : o bonnataa jikke telenma åen fawuåe hoolaare maååe nden e makko.

Ko ɗun si kala ko ari e heåugol ma ka nder ngurndan maa : Wota a hulu, gomɗin tun!


Yewtooåe : Fillitotooɗo, Yaayirusu, Iisaa, gorko, debbo, imminaaɗo

© Copyright : CEF Allemagne

www.WoL-Children.net

Page last modified on December 13, 2021, at 01:43 PM | powered by PmWiki (pmwiki-2.3.3)