STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 122 (Peter’s life in danger)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

122. Petrus in Doodesjefoa


Aulawäajend wieren de Lichta aul längst utjemoakt, oba in Maria äa Hus brennd noch de Laump. See haud Jast. De Uasak doafä wia eene truiche Norecht: Petrus wia im Jefenkjnis. Hee haud von Jesus vetalt, un daut wia fa Kjennich Herodes een sea schlemet vebräakjen. Woat dise Nacht, de latzte Nacht fa Petrus sennen? Siene Frind gauwen de Hoppninj nich opp, wiels Gott kaun Wunda doonen. Dach in Nacht bäden see.

Fru: "Har Jesus, bitte lot Petrus nich stoawen."

Maun: "Du kaunst Wunda doonen, wie vetruen opp die."

Un Petrus? West du mol een bät im Jefenkjnis nenkjikjen? De Bibel es aus een Fensta, derch waut maun seenen kaun, waut Menschen ver sea lanja Tiet met Jesus beläft haben.

Junj: "Petrus schlapt! Woo kaun dee bloos soo scheen schlopen wann hee boolt saul dootjemoakt woaren."

Mäadche: "Hee es aun twee Opppausasch aunjekjät."

Junj: "Un aun de Däa stonen uk noch twee Opppausasch."

Petrus wia in Doodesjefoa, oba siene Frind bäden one Pause fa am. Un doabie hauden see kjeene Onung, waut in de Nacht in Petrus siene Jefenkjnissto aules aunjinj.

Doa wort daut gaunz dach. Een Enjel stunt platzlich dichtbie Petrus.

Enjel: "Petrus sto opp, trakj diene Sindalen aun. Nem dienen Mauntel un kom met."

Aus im Droom jinj Petrus däm Enjel hinjaraun. Kjeene Kjäde hilden am, kjeen Wajchta wort am en. Daut groote iesane Doa wort von eene onsechtboare Haunt opjemoakt. Dan veschwunk de Enjel. Gott kaun Wunda doonen!

Petrus: "Ekj sie frie! Gott haft sienen Enjel jeschekjt, om mie von Herodes to raden."

Petrus rand nom Hus von Maria. (kloppre)

Rode: "Wäa es doa?"

Petrus: "Ekj sie daut, Petrus!"

Rode freid sich soo sea, daut see nichmol doaraun docht, de Däa optomoaken. See rand no dee aundre.

Rode: "Petrus steit ver de Däa!"

Maun: "Du best verrekjt. Daut es onmäalich."

Rode: "Jo! Ekj hab am aun de Stemm erkjant." (kloppre)

Petrus: "Moakt op!"

Maun: "Hee es daut werklich. Gott haft een Wunda jedonen."

(De Däa opschluten)

Fru: "Petrus, woo best du ut däm Jefenkjnis jekomen?"

Petrus deed dan siene Frind aules vetalen. Gott kaun Wunda doonen un Jebäda erhieren, soo daut maun nich ut däm wundren rutkomen kaun.

Hee deit uk vendoag noch groote un kjliene Wunda. Doo am doch vetruen!


Persoonen: Eena waut vetalen deit, Fru, Maun, Junj, Mäadche, Enjel, Petrus, Rode

Copyright: CEF Germany

www.WoL-Children.net

Page last modified on August 08, 2023, at 07:59 AM | powered by PmWiki (pmwiki-2.3.3)