STORIES for CHILDREN by Sister Farida

(www.wol-children.net)

Search in "Macedonian":

Home -- Macedonian -- Perform a PLAY -- 057 (Taken hostage in Egypt 5)

Previous Piece -- Next Piece

DRAMAS -- perform them for other children!
Plays for children to perform

57. Однесен во Египет како заробеник 5


(звук нa коњски копита)

Јосиф патувал низ Египет качен на една од кочиите на фараонот. Сите му мавтале. Фараонот го назначил како негов помошник. Со неговиот прстен со печат тој го овластил Јосиф. Јосиф поминал покрај зрелите житни полиња и насадите со палми.

Се случило токму како што Бог рекол: се родила огромна жетва.

(звук во заднината: чекан и тропање)

Јосиф изградил многу складови. Биле собрани огромни количества жито. Планот на Јосиф бил совршен. Како што кажал, по седум години изобилство, дошле седум години глад. Луѓето биле гладни и отишле кај фараонот.

Луѓето: „Гладен сум! Гладуваме. Дај ни нешто за јадење за нашите деца“.

Фараонот: „Јосиф е одговорен да ви помогне. Правете како што ќе ви каже“.

Доаѓале луѓе отсекаде. Дури и од туѓи земји. Десет мажи му се поклониле. Тој веднаш ги препознал. Тие биле неговите браќа. Јосиф се сетил на соништата, на нивната омраза кон него и дека го продале како роб. Но тие воопшто не го препознале.

Јосиф зборувал со нив строго.

Јосиф: „Од каде дојдовте?“

Браќата: „Доаѓаме од ханаанската земја и сакаме да купиме жито“.

Јосиф: „Лажете. Вие сте шпиони!“

Браќата: „Не, чесен збор! Ние сме дванаесет браќа. Едниот сè уште е дома, а другиот е мртов“.

Јосиф: „Не верувам во ниеден ваш збор. Но затоа што го сакам Бог ќе ви дадам жито. Но сакам повторно да дојдете со другиот брат. Еден од вас ќе остане овде за да бидам сигурен дека ќе ме послушате“.

Зошто Јосиф бил толку строг? Дали сакал да им се одмазди? Не! Само сакал да ги испита браќата. Сакал да види дали се измениле.

Тие не знаеле дека Јосиф ги разбира додека разговарале меѓу себе.

Браќата: „Ова, сигурно, е казна за тоа што му го направивме на Јосиф“.

Кога го слушнал тоа Јосиф почнал да плаче. Но сè уште не им кажал кој е. Со житото што им било потребно, браќата се вратиле дома, а Симон останал во Египет.

Таткото Јаков бил ужасен кога ги слушнал подробностите од нивното патување. Но кога житото било потрошено морале да се вратат во Египет, овојпат со Венјамин. Браќата биле исплашени кога вторпат се приближувале кон Египет.

А потоа? Во следната драма ќе дознаете што се случило.


Улоги: Раскажувач, луѓе, фараонот, Јосиф, браќата.

© Copyright: CEF Germany

www.WoL-Children.net

Page last modified on October 22, 2021, at 08:21 AM | powered by PmWiki (pmwiki-2.3.3)