STORIES for CHILDREN by Sister Farida

(www.wol-children.net)

Search in "Guarani":

Home -- Guarani -- Perform a PLAY -- 004 (Prayers can cause miracles)

Previous Piece -- Next Piece

TEATRO ÑEIPEHE´ÄMBYRE -- ¡rehechauka ambue mitänguérape!
TEATRO ÑEIPEHË´ÄMBYRE mitänguérape ojehechaukava´erä

4. Pe oñembo´éva ohecháta pokatu


Peteï tape ijyyvytïmbopáva pa´üme, kuarahy aku tini yvatégui … ha tapiaguáichante pe Tupámba´ejára (mendigo) oï hína pe taperembe´ýpe. Ohendúvo pyryapu oipyso ipo omba´ejerure.

Bartimeo: "Chepytyvömína ... eme´ëmína chéve viru ... peteï monedamijepeve!"

Oï umi oiporiahuverekóa chupe; ha oï avei umi ndoikuaaséivachugui mba´eve. Upe árape heta tapicha ohasa upérupi, ha´etevaicha Jericóguakuéra osëmbaitéva oguata.

Bartimeo: "Mba´e piko oiko ko´äpe ko árape?"

Hombre: "Jesús Ñanderu ra´y ningo ohasáta ko´árupi, ha´e ohayhu maymavaitépe ha omonguera umi hasýva ha omanómava jepeve omoingovejey!"

Pe ciegomíme ningo ipiro´y pe ikorasö ha ipotyjera pe esperanza orekóa

¿Jesúspa ohendúne imba´ejerure? Ijahy´o mbaretekuejaveve osapukái ndohecháirupi.

Bartimeo: "Jesús chepytyvömína! Cheporiahuverekomína!"

Ndaikatúipa oñemba´ejerure Jesúspe? Nahäniri! Bartimeo ningo nopenái tapichakuérare, ha upépe katu hatäve osapukái.

Bartimeo: "Cheru, Jesús ... chepytyvömína!"

Jesús ohendu opaitemba´ejerure, ha´e ohendu avei neñembo´e.

Pe biblia omombe´u upérüguare Jesús opytahague ha he´i ...

Jesús: "Pegueru chéve pe ohecha´ÿvape ko´ápe."

Uperiremínte, Bartimeo oñembo´ýma Ñanderuvicha renondépe. Ha´e ndohechái ha katu oñandukuaa oïha henondépe ha upépe ipy´aguapy; ohendu Jesús oñe´ëramo chupe mborayhupópe.

Jesús: "Bartimeo! Mba´épa reikotevëmi? Mba´épepa ikatu roipytyvömi?"

Bartimeo pya´eterei ombohasa ñembo´épe pe jehasa asy ogueroguatáva.

Bartimeo: "Cheru! Chéngo ahechasejey ... chéngo ahechasetereijey."

Jesús ohendu imba´ejerure.

Jesús: "Neï, terehechajey ... rejeroviarupi cherehe romonguera."

Upépetevoi Bartimeo ohechajey ... ohecha pe ohenduva´ekue isapukái ha iñembo´épe.

Vy´a apyre´ÿre o´aguyje ha upetéguive omoirü opa hendáre Jesúspe.

Pe bibliape Ñanderuete ojerure ndéve: nemandu´ánte cherehe vy´a´ÿme reime jave, cheroipytyvöta ha nde katu chemomba´eguasu!!


Personajes: Relator, Bartimeo, Hombre, Jesús

© Copyright: CEF-Germany

www.WoL-Children.net

Page last modified on February 28, 2018, at 10:06 AM | powered by PmWiki (pmwiki-2.2.109)