STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 004 (Prayers can cause miracles)

Previous Piece -- Next Piece

DRAMAS -- perform them for other children!
Plays for children to perform

4. Qhititejj Tatitut mayisi, milagronaca uñjaniwa uñjaniwa


Mä calle lakacamaqui, lupisti alajj pachat naqhantascaraqui. Mä cutimpi juyqhu limosnerojja thaqhi lacanjja kont’atäscaraquïnwa. Take cunapachatejj jake paserjja istänjja amparap loktänwa.

Bartimeo: “¡Yanapt’apjjetay! ¡Mä kaukacsaya churapjjeta, mä juc’acsa!”

Mä kaukaninacajj qhuyapt’ayasipjjänwa, yakepanacasti janiw yäkapcänti.

Ucürusti walja jakenacawa pasapjjäna. Tak pach Jericó marcas unjjtascaspäna uqhamanwa.

Bartimeo: “¿Cunas jichhurojj utji?”

Jake: “Jesusawa, Tatitun Yokapawa acnäm pasani. Qhititejj takenirus munasqui uqhamarac walja usutanacarusa kollasi uqhamaraqui jiwatanacarus jactayi.”

Uca t’akhe juyqhurusti mayac chuymaparu cusisiñaw jalantatayna. ¿Jesusajj arnakasitapjja ist’aspati?

Janis uñjcchënjja jjuparojja juc’amp jach’ata arnakasitayna:

Bartimeo: “Jesús, yanapt’itay, ämpi! ¡Qhuyapt’ayasitaya!”

Mayninacasti ist’asinjja culirasipjjataynawa ucatsti amuct’ayañataquejja runcjapjjataynawa.

Jake: “Amuct’am, saram acata, jan ucasti…”

¿Janit Jesusar arnakasiñacänsti? ¡Janiwa! Bartimeojj janiw jakerojj cascänti, antisasa, juc’amp juc’amp jachat arnakasitayna.

Bartimeo: “¡Tatit Jesús, yanapt’itay ämpi!”

Jesusajj sapa ärt’a ist’i. Jupajja oracionamjja ist’araquiwa.

Bibliast sïwa, qhä pachajja jupajj sayt’ataynawa ucjjarusti saraquitaynawa:

Jesús: “¡Acaru uca juyqhu apanipjjam!”

Mä juc’jjarojja Bartimeojj Diosan Yokap mayrakatapan sayt’atänwa. Janiw jupar uñjcänti, ucampisa jac’ancatäpjja amuyasïnwa ucasti imantata uqhamaraqui arjjatataraquïwa amuyasïna. Jesusan munasiñ arunacap ist’äna:

Jesús: “Bartimeo, ¿cuns nayat münta? ¿cuns jumatac lurirista?”

Bartimeojj janiw ancha amuyt’añapäcänti. Oracionacaspänsa uqhamawa t’akhesiñapjja arsusïna:

Bartimeo: “Tatay, wastat uñjirista, uc wal munta.”

Jesusasti mayisitap ist’änwa.

Jesús: “¡Uñjawi katokam! Nayar confiatamata, nayasti kolltsmawa.”

Uca ratpachawa Bartimeojja uñjjäna. Nayrapampiwa qhititejj art’asitaparu ist’cataynajja ucaru uñjjäna uqhamaraqui qhitirutejj oracionap ist’catäyna.

Wali cusisitapiniwa yuspagaratayna ucat qheparusti Jesusampipiniw sarnakäna.

Diosasti Biblian jumaru jistamwa: “Cunapachatï t’akhesitayätajja nayar art’asita, nayaw ist’äma, jumasti uñt’itatawa.”


Uñstirinaca: Parliri, Bartimeo, jake, Jesús

© Copyright: CEF Germany

www.WoL-Children.net

Page last modified on October 08, 2018, at 09:50 AM | powered by PmWiki (pmwiki-2.2.109)