STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 031 (Alarm on the farm)

Previous Piece -- Next Piece

DRAMAS -- perform them for other children!
Plays for children to perform

31. Alarmawa ist’asi


¿Juan juparu uñtt’ati? Sud América mä granjan jacäna. Urupataquejja mä chiwchi regalapjjatayna, chekpach chiwchi. Juan jupasti mankayänwa jupaspaquiw cuidäna. Juc’at juc’ata chiwchejj huallpajjänwa “Mama Blanco”, sata. Mä tapa galponanjja lurarapitayna. Sapa cuti cunapachatejj mama Blancojj c’auncana ucjajja jach’atwa tokesïna. (cacareo)

Cunapachatejj trigojj jach’a jiljjataynajja, mama Blancojja c’aunañjja mayac sayt’jjatayna.

Juan: “¡Mami, mama! ¿Cunas mama Blancorojja pasi? Janiw c’aunjjeti trigo mankharuquiwa sapa ratusa chhakjje.”

Mamá: “Juan, mä juc’ampi suyt’am…”

Mamapajja larusisaw uqham sï. Mä kawkha semanatsti Juan jupasti yatjjänwa ucjja.

Juan: “¡Mama, mama, ac uñjjiri jutam!” Trigo taypitsti mama Blancojja mä tama chiwchhinacampiw mistunji. Juan jupasti wali c’uchisitänwa.

(Sirenaw ist’asi)

Ucampisa mä urujja nina alarmawa ist’asi. Trigo yapunacajja naq’antänwa. Janiw cunjamatsa ninaj jiwt’ayañjamäcänti. Pinapipiniw utajja salvasi.

Juan: “¿Cawqhanquisa mama Blancojja? ¿Jupajj…?”

Juan jupajja trigo taypi thakhasïnja janiw pensañ muncänti. ¿Cunänsa ucajja? Mä chiyar bultönwa. Mama Blancojja k’ala chiyar naqhantata uqhamawa jupa nayrakatancäna. Ucampis cunapachatejj wallpar aptataynajja. ¿Cunas ucancäna? Jupä mankhanstï takpach chiwchinacapawa sustjata uqhamasa jacasquircamaqui ucancascäna.

Juan: “¿Cunjamsa jacasipcpachäna?”

Mamá: “Animalanacajja ratuquiwa mä chïj-jja amuyasipjjäna. Cunapachatejj ninajj jutänjja, chiwchinacajja mamap mankhaparuwa imantasijjäna. Jupasti tuytawayasa sarjjaspänwa ucampisa jisq’itanacajja janiwa. Mama Blancojja wal munasïna jisc’anacaparojja, ucatwa chhekhapampi imantäna, ucatsti jupapachpawa naqhantayasitayna. Jacañap apt’asitayna wawanacapajja khespitäñapataqui.”

Papá: “Wali llaquitätamjja yattwa, Juan, ucampirusa amuyastwa mama Blancojja mä suma uñacht’äwi cunjamasa Jesusan munasiñapajja uc churistu: Amtapatwa jiwasanac laycuw cruzan jiwawayi uqhamata jiwassanacajj jacañasataqui. Juan, janipini ucj armasïmti.”


Uñstirinaca: Parliri, Juan, mamá, papá

© Copyright: CEF Germany

www.WoL-Children.net

Page last modified on October 08, 2018, at 10:31 AM | powered by PmWiki (pmwiki-2.2.109)