STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 032 (Does God answer every prayer)

Previous Piece -- Next Piece

DRAMAS -- perform them for other children!
Plays for children to perform

32. Amyn ist’ata oracionapa


¿Cawquiris munat coloramajja? Amynjj azulänwa. Cielo azul munänwa, azul kota ucanacat sipansa mamapan azul nayrapa. Cunja llaquisa nayranacajjajja caféapan, uqhamwa Amyjj pup’isina.

Amy: “Mama, ¿Diosajj oracionanacjja ist’iti?”

Mamá: “Jïsa wawa, Diosajj oracionanacjja ist’iwa.”

Amy: “¿Wawanacan oracionanacstï?”

Mamá: “Uqhamapï, Amy. Ucampis horasajjewa iquint’jjañataqui. Kharürcama. ¡Walic iquisim!”

Amy: “Kharürcam mamita.”

Luz jiwt’ayasinstï Amyjj iquiñapan oración luratayna.

Amy: “Munata Dios, Jumajj take ch’amanïtawa, nan nayranacajjajja azuläruy tuct’ayarapita. Amén.”

Diosajj oracionanaca ist’iwa, uc jupaj sumpin creyïna, ucatsti ict’asiwayjjewa.

Khepürusti Amyjj sartjjänwa ucat amtasitaynawa oracionapata. Iquiñata thoktataynawa, espejot uñcatasiri, ucatsti… pä jach’a CAFÉ nayranacawa unch’üquisincana. Mayjt’atawa säna chuymapana ¿Diosajj janit oración ist’quï?

Ucatsti mayac amuyasitayna qhitis jupar jisct’ascaspa sasina: “Janiwa” ucajja Diosan respuestaparaquïwa.

Walja maranacawa pasi. Cunapachatï Amyjj warmïjjänjja jaya India lugararuw sarjjatayna uca jakenacaru Diosan munasiñapat parlañataqui. Indianquir arupwa yatekatayna, jupanacjamawa ist’asina uqhamaraqui cafiyampiw ajanu pint’asïna jan ankanquirjama uñnakañataqui.

Mä urujja mä amigawa satayna:

Amiga: “Amy, waliwa nayramajja caféapan, jan azuläpanti; jan ucajja takeniwa yatipjjaspa ankanquirïtama.”

¿Café nayra? Amyjj wawa oracionapat amtasïna. “Janiwa” ucajja respuestawa. Diosan suma respuestaparaquiwa.

Mä cutinacajja Diosajj janc’aquiwa cuntï munctan uc churistu.

Mä cutinacasti suyayistuwa.

Mä cutisti “janiw” saraquiwa.

Sapa arsutapampisti Diosajj munasiñap uñacht’ayistu, “iyaw” ucäpansa, “janiw” ucäpansa inas suyt’añächi. Jaysatapajja juc’amp asquipinïniwa. Sumapinïquijja uc luri, jumataquisa uqhamaraqui.


Uñstirinaca: Parliri, Amy (wawa), Amyn taycapa, amiga

© Copyright: CEF Germany

www.WoL-Children.net

Page last modified on October 08, 2018, at 10:32 AM | powered by PmWiki (pmwiki-2.2.109)