Home -- Fulfulde -- Perform a PLAY -- 032 (Does God answer every prayer)
32. Hara Alla jaaboto kala tornde
Hara hiɗa mari mbaadi ndi åurɗaa yiɗude? Mbaadi ndi Aaminata yiɗi ndin ko mbulu on. Himo yiɗi kammu mbulewu ngun e maayo woɗewo ngon e goɗɗun goo ko wa’i wa mbulu ko o åuri e yiɗude kon ko gite mbuluuje neene makko ɗen. Ko tawi kon non min gite an ɗen ko faatumakeneeje, hinaa ko moýýi, kanko Aaminata himo miijaade.
Aaminata : "Neene, hara Alla heɗoto torndeeji an ɗin?"
Neene an : "Ko non woniri yo geɗal an, Alla heɗoto torndeeji ɗin fow."
Aaminata : "Hay torndeeji fayåe åen."
Neeniraawo on : "Ko non woniri, yo Aaminata. Kono jooni saa’i waalagol ngol hewtii. Yo Alla okku en jemma moýýo. Yo jam wondu e maa!"
Aaminata : "Waalen e jam, neene."
Åay ndaygu ngun ñifinaama, Aaminata torii ndee toraare ɗoo ka nder danki makko :
Aaminata : "Alla an, hiɗa waawi huuwugol kala huunde. Si hino welamaa, wattitanan gite an ɗen, ittaa ko ɗe woni kon faatumakeneeje wattaaɗe mbuleeje. Aamiina!"
Alla heɗike tornde Aaminata nden, miɗo felliti ɗun. Onsay o naanii.
Bimbi nden ñannde, Aaminata fini, o anditi fii tornde makko nden. O hoccii ka danki makko, o yahi ka ndaarorgal, o tawi gite ɗiɗi faatumakeneeje no habbii mo.
E hin le non, kanko Aaminata himo sikka wondema Alla heɗitaaki tornde makko nden.
Hari hino nanndita wa si ko goɗɗo wi’i mo ɗun ɗoo : "oo'owoye" kadi ko jaabannde non.
Duuåi buy feýýiino. Åay ko Aaminata wonii hellifaaɗo, o yahi e leydi Indiyaa ndin, o woni sincoowo mofte fii Almasiihu on. O ekkitii haala maååe kan, o ñaami ñaameteeji maååe ɗin, o åornii conci maååe ɗin fii no o nanndira e maååe fii wota åe jogor mo wa janano, o wattiri mbaadi makko ndin faatumakeneeri.
Ñannde goo, weldiɗɗo makko on wi’i mo kanko Aaminata.
Aaminata : "Aaminata, hakkee ko ɗun moýýi ka gite maaɗen woni faatumakeneeje edii mbuluuje si wonaa ɗun fow annday wonde ko a janano."
Gite faatumakeneeje? Aaminata no annditude fii tornde makko nden fewndo ko o fanɗi. "Oo’owoye" kadi ko jaabawol. Jaabawol moýýol immorde ka Alla.
Wonde, Alla okkay en kisan ko faalaɗen kon.
Wonde, o wi’a yo en habbo.
Wonde kadi o wi’a oo’owoye.
No jaabawol ngol woniri woo – ko si ko hii-hi maa si ko oo’oo, maa si ko habbagol - Himo hollude en giggol makko ngol. Jaabawol makko åuri moýýude.
Ko ko moýýi kon o huuwata, hay fii maa.
Yewtooåe : Fillitotooɗo, Aaminata (ko o woni jiwun), neeneejo on, weldiɗɗo Aaminata on
© Copyright : CEF Allemagne