Home -- Guarani -- Perform a PLAY -- 032 (Amy Carmichael)
32. Amy ñembo´e oñembohováiva"
¿Mba´e sa´ýpa nderehayhuve? Amy oiporavova´ekue ha´e sa´y hovy. Ohayhuakue yvága hovy, ysyry hovy, ha katu tenonderaite isy hesarovyva´ekue. Ambyasy cheresa hungy haguére, opensa Amy.
Amy: "¿Mami, Ñandejára ombohovái opa ñembo´e.”
Sy: "Hêe, che memby, Ñandejára ombohovái opaite ñembo´e.”
Amy: "¿Avei mitânguera ñembo´e?”
Sy: "Upeichaite, Amy. Ha ko´âga jahámavaerâ tupápe. ¡Tandepyhare porâite! ¡Terepytu´u porâite!
Amy: "Tande pyhare porâite, chesy."
Omboguerire tataindy, Amy oñembo´e hupápe.
Amy: "Ñandejára rohayhúva, nderejapokuaáva opa mba´e, reme´êmina chéve tesarovy. Ta´upéicha.”
Ñandejára ombohovái ñembo´e péva oiko jeroviápe he´i ha opyta oke.
Ambue ára pyharevete Amy opáy ha imandu´a iñembo´ére. Opo hupágui, oñani itangecha rovái ha…mokôi tesa hûngyguasúa omaña hese. Oñembyasy Amy ha opensa: “¿Ñandejára nombohováiri che ñembo´e. Ha upéi ha´ete vaicha oîva he´íva chupe: “Nahâniri” ha´e avei ñembohovái.
Ohasa heta ary. Amy ja´okakuaáma ha oho mombyry Indiape omombe´uhaguâ umi tapichakuéra upepeguápe Ñandejára mborayhu. Oñe´êkuaa India ñe´ê, oñemonde tapichakuéra upépeguaicha ha ombosa´y ipire ipire marrónpe anihagua ojogua pytaguápe.
Peteî árape he´i chupe iñangirû:
Angirû: "Amy, iporâitépa nderesa hungy ndaha´éi hovy; péicharire pya´eterei rejekuaáramo´â nde ha´eha pytagua”
¿Che cheresa hungy? Amy imandu´a iñembo´e imitâmeguarére. “Nahâniri” ha´e avei ñembohovái. Peteî ñembohovái porâ Ñandejáragui oúva.
Sapy´ánte Ñandejára nome´êi ñandéve enseguida umi mba´e jaipotáva.
Sapy´ánte oha´âroka´imi ñandéve.
Sapy´ánte he´i “Nahàniri”
Ñandejára peteîteîva iñembohováipe ohechaka ñandéve imborayhu, taha´e jepe “Nahâniri” térâ “Hêe” térâ “reha´arô”. Iñembohovái akóinte iporâ. Akóinte ojapo iporâva, avei ndéve guarâ.
Personajes: Relator, Amy (mit^kuña), Amy sy, angirû
© Copyright: CEF-Germany