Home -- Albanian -- Perform a PLAY -- 090 (The angry teacher 2)
90. Mësuesi i zemëruar 2
Battu: "Nxito, Ringu, nxito! Mund t’ja dalësh!"
Këmba e lëndoi Ringun tmerrësisht shumë. Por ai dëshironte dëshpërimisht të fitonte garën e demave. Ai i mbajti frenat më fort, vrapoi më shpejt dhe kaloi disa nga karrocat e tjera. Pak para vijës së finishit, ai ishte në vendin e parë.
Battu: "Ai fitoi! Ringu fitoi garën!"
Battu u hodh nga gëzimi. Dhe babai i tij ishte krenar për djalin e tij.
Ringu rrezatonte ndërsa demave të tij u vendosën kurora rreth qafës. Dhimbjen e duroi me guxim. Por në shtëpi këmba e tij u përkeqësua. Dhe pulsonte nga dhimbja. Ringu kishte dhimbje koke dhe temperaturë.
Nëna: "Shtrihu në verandë, Ringu. Ja, i huaji i bardhë dhe Pandu po vijnë në fshatin tonë."
Ringu: "E njoh atë. Ai gjithmonë flet për një Zot të mirë i cili dërgoi birin e Tij në botë."
Sahib Grubb: "Përshëndetje, do të shfaqim disa foto tek pusi. Jeni i ftuar edhe ju. A do vini?"
Nëna: "Më vjen keq, por nuk mundemi. Djali ynë është shumë i sëmurë. As magjistari nuk mundi ta ndihmonte. Mund të na ndihmoni ju?"
Shumë njerëz panë teksa i huaji ekzaminonte këmbën e Ringut.
Sahib Grubb: "Po, mund t’u ndihmoj. Më duhet vetëm një tas plot me ujë të nxehtë. Dhe më pas do të derdh pak nga ky pluhur në të dhe do të tretet. Pas kësaj do i bjerë temperatura. Ringu, fute këmbën në ujë. Ilaçi do ta shërojë këmbën."
Ringu: "Të gjithën?"
Sahib Grubb: "Sigurisht. Mos ki frikë. Unë do të lutem për ty: Zot Jezus, Ti mund të bësh gjithçka. Të lutem shëro këmbën e Ringu dhe mbroje këtë shtëpi. Amen."
Mjekimi dhe lutja ndihmuan. Shumë shpejti, Ringu u kthye në shkollë. Ai solli letrën që ia dha misionari, Sahib Grubb. Mësuesi i tij nuk e pëlqeu aspak këtë gjë.
Mësuesi: "Çfarë marrëzie. Kjo letër flet për Zotin e të krishterëve. Ne indianët nuk e besojmë këtë. Mos merrni më një letër si kjo nga askush. A e kupton?"
Ai e mbështolli letrën në dorë dhe e hodhi në qoshe. Por Ringu ishte i zgjuar. Atë ditë ai ishte i fundit që doli nga shkolla dhe me siguri mund ta merrni me mend se çfarë fshehu në çallmën e tij.
Ringu: "Battu, sikur të dëgjoja më shumë për Zotin e të Krishterëve."
Battu: "A harrove se çfarë tha mësuesi ynë? Nëse nuk e dëgjon atë, atëherë shpirtrat e këqij do të të hanë."
Ringu: "Nuk e kanë ngrënë Sahib. Po e mbaj këtë letrën."
Battu: "Kam frikë."
Pas kësaj, të ftuarit erdhën në fshatin e vogël indian.
Do t'ju tregoj gjithçka në dramën e ardhshme.
Folësit: Autori, Battu, nëna, Ringu, Sahib Grubb, mësuesi
© E drejta e autorit: CEF Gjermani