STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 072 (Sensation on the sea) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 27. سمنُدر وچ بےچینیگلیل دی جھیل دے اُتے دا احساس! پطرس: ”میَں یسوع دے بارے وچ بہت خوش اَں۔ مینوں بڑی مشکل نال اوہدے اُتے یقین ہویا؟ اوہنے پنج روٹیاں تے دو مچھیاں نال ۰۰۰۵ بندیاں نوں کھانا کھوالیا، تے نالے ساریاں عورتاں تے بچیاں نوں وی۔ تے ہر کسے نے تد تیک کھادا جد تیک اوہناں دا ٹِڈ ناں بھر گیا۔“ چیلے: ”کیہ تُساں ویکھیا پئی باقی کِنا کھانا ودھ گیا سی؟ ایہہ اوہدے نالوں وی بہتا سی جِنا کھانے دے شروع وچ سی۔“ پطرس: ”زبردست، تھوڑی جیہی شے وچوں اوہ کِنا بہتا بنا سکدا اے۔“ یسوع، خدا دا پُتر، کمال اے۔ اوہ تھوڑے وچوں بہت زیادہ بنا سکدا اے۔ لوک ایس کرامات توں بڑے خوش ہوئے تے شام ویلے آپنے گھراں نوں ٹُر گئے۔ فیر یسوع چیلیاں دیاں گلاں وچ شامل ہو گیا۔ یسوع: ”بیڑی وچ بہوو تے دوجے پاسے ٹُر جاوو۔“ اوہ بیڑی وچ نہ بیٹھا، سگوں اک پہاڑ اُتے دُعا کرن لئی چڑھ گیا۔ چیلے یسوع دے بغیر بیڑی نوں چلاوندے رات ویلے جھیل وچوں لنگدے پئے سن۔ اچانک طوفان اُٹھیا۔ مچھیریاں نے بادبان تھلے کر لئے۔ پہلی ٹھل بیڑی نال ٹکری۔ کاش یسوع اینہاں بُرے حالات وچ اوہناں دے نال ہوندا۔ اوہ ڈر گئے تے چیکن لگ پئے۔ پر اوہدے بعد حالات ہور وی بُرے ہو گئے۔ پطرس: ”اوہ اوتھے، کیہ تہانوں دِسدا پیا اے؟ اک بھوت اے!“ شاگرد: ”میَں ایہہ ہور برداشت نئیں کر سکدا۔“ چِٹے روپ وچ کوئی پانی اُتے ٹُردا پیا سی تے سیدھا اوہناں دی کشتی وَل آ گیا۔ چیلیاں نے چیکنا شروع کر دِتا۔ پر اوہ کوئی بھوت نئیں سی۔ یسوع: ”حونصلہ رکھو، ایہہ میَں اَں! ڈرو ناں!“ چیلیاں نے اوہدی واج پچھان لئی۔ ایہہ یسوع سی۔ پطرس اوہ پہلا بندہ سی جہنے بولن دی جرات کیتی۔ پطرس: ”خداوند یسوع، جے ایہہ تُسی ای ہو تے حکم دیوو پئی میَں وی پانی اُتے ٹُر کے تہاڈے کول آواں۔“ یسوع: ”آ جا!“ کمال ہو گیا! پطرس بیڑی وچوں باہر نکلیا تے ٹُر کے یسوع وَل گیا۔ جِنا چِر اوہ یسوع نوں ویکھدا رہیا سب کجھ ٹھیک رہیا۔ پر جس طرح ای اوہنے ٹھلاں وَل ویکھیا اوہ ڈُبن لگ پیا۔ پطرس: ”خداوند، مینوں بچاوو! میری مدد کرو!“ یسوع نے آپنا ہتھ ودھایا تے پطرس نوں پھڑ لیا تے اوہنوں بچایا۔ یسوع، خدا دا پُتر، بے مثال اے۔ اوہ بچاوندا اے! یسوع: ”میرا یقین کرو۔ آپنا پورا دِل مینوں دے دیو۔“ پطرس یسوع دے نال فیر بیڑی وچ بہہ گیا۔ طوفان تھم گیا تے وا وی تھم گئی۔ ہر کسے نے یسوع دے اگے گوڈے ٹیکے تے اوس عجیب خداوند اگے آپنا سیس نوایا۔ پطرس: ”توں ای خدا دا پُتر ایں!“ یسوع خدا دا پُتر بے مثال اے۔ اوہدے لئی کوئی کم ناممکن نئیں۔ اوہ تہانوں ایہہ نئیں آکھدا پئی تُسی پانی اُتے ٹُرو۔ پر اوہ ایہہ چاہندا اے پئی تُسی اوہدے نال ٹُرو بھاویں جِتھے وی ہوو۔ ہر حال وچ اوہ تہاڈی راہنمائی تے مدد کرے گا۔ لوک: بیان کرن والی، پطرس، چیلا، یسوع حقوق: بحق سی ای ایف جرمنی محفوظ نے۔ |