STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 071 (The cast-your-cares hint) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 17. کڈنا- تواڈی- پروا ول اشارہکیہ ایہہ چنگی گل نئیں پئی ساڈیاں فکراں تے مشکلاں ساریاں مُک جاون؟ کُڑی: ”کاش ایہہ لڑائی بالکل مُک جاوے۔“ مُنڈا: ”ناں ای کوئی حادثہ ہووے تے ناں کسے نوں کینسر ہووے۔“ کُڑی: ”تے ماں پیو کدی وکھ ناں ہوون۔“ مُنڈا: ”کاش پئی کوئی وی بچہ اگوں توں بھُکھا نہ رہوے۔“ جے ایہہ سب سچ ہو جاوے، تے کِنا مزا آوے گا ناں! کدی کدی میرا دِل وی ایہو آکھدا اے۔ تے تہاڈا؟ پر جس طرح جس طرح اسی ایس دھرتی اُتے زندگی گزاردے اَں، تے ایہہ ساریاں خواشاں پوریاں ہوندیاں نئیں دِسدیاں۔ پر میرے کول تہاڈے لئی اک چنگی خبر اے: اک ایسا بندہ اے جیہڑا تہانوں تہاڈیاں فکراں وچ کلاں نئیں چھڈدا۔ یسوع! مینوں ایہہ کس طرح پتہ لگے گا؟ پطرس کولوں۔ بائبل وچ پطرس دے لکھے ہوئے خط نے، تے اوہناں چوں اک وچ اوہ آکھدا اے: آپنیاں ساریاں فکراں تے آپنیاں ساریاں پریشانیاں یسوع اُتے سُٹ دیو، کیوں جو اوہ آپ تہاڈی فکر کردا اے۔ پطرس ایہہ گل تجربے نال کردا اے۔ اک واری اوہدی سس بڑی بیمار سی۔ اوہ منجی اُتے لیٹی ہوئی سی تے اوہنوں بڑا ڈاہڈا تاپ چڑھیا ہویا سی۔ کوئی وی علاج کم نئیں سی کردا پیا۔ پطرس تے اوہدی بیوی دِل چھڈ بیٹھے سن۔ پر جدوں یسوع اوہناں نوں ملن آیا، تے اوہناں نے آپنی ساری فکر دے بارے وچ یسوع نوں دسیا۔ پطرس: ”یسوع ساڈی مدد کرو، میری سس بڑی بیمار اے۔ سانوں اوہناں دی بڑی فکر اے۔“ یسوع ساڈیاں نِکیاں وڈیاں ساریاں مشکلاں نوں سمجھدے نے تے خوشی نال ساڈی مدد کردے نے۔ بائبل وچ ایہہ آکھیا گیا اے: یسوع اوس بیمار عورت دی منجی دے کول گیا تے اوہدے ہتھ توں پھڑیا۔ اوہنے اوس عورت دی کھلون وچ مدد کیتی تے اوہدا بخار اوہسے ویلے لتھ گیا۔ اکو کھڑی وچ اوہ چنگی ہو گئی۔ اوہ فیر تھوں تندرُست ہو گئی ہور تے ہور اوس عورت نے اوتھے موجود لوکاں لئی کھانا وی بنایا۔ کیہ تہاڈیاں وی فکراں ہے نے؟ یسوع دے نال اوہناں بارے گل کرو۔ اوہ تہادی دعا نوں سُندا اے۔ ہو سکدا اے اوہ تہاڈی مدد ایڈی چھیتی نہ کرے جِنی چھیتی اوہنے پطرس دی مدد کیتی۔ پر ایہہ یاد رکھو پئی یسوع کدی بہتی دیر نئیں کردا، ہاں زیادہ تر سانوں اوہدے جواب دی اُڈیک کرنی پیندی اے۔ تے پطرس د ی چنگی صلاح سدا یاد رکھو۔ پطرس: ”آپنیاں ساریاں فکراں یسوع اُتے سُٹ دیو، کیوں جو اوہ تہاڈی فکر کردا اے۔“ لوک: بیان کرن والی، کُڑی، مُنڈا، پطرس حقوق: بحق سی ای ایف جرمنی محفوظ نے۔ |