Platt - Low German, Dramas: Piece 027 – Jesus stoaft aum Kjriez

Home -- Platt (Low German) -- Perform a PLAY -- 027 (Jesus dies on the cross)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

27. Jesus stoaft aum Kjriez

Kjint: "Mie kjemt daut goaschtrich fäa von Judas, daut hee Jesus veroden deed."

Kjint: "Wuarom haft Jesus nich jekjamft? Hee haud sich doch kunt frie moaken."

Daut es werklich soo, hee haud daut kunt doonen, oba daut must soo komen.

Kjint: "Daut vesto ekj nich."

Gott sien Sän kaum in dise Welt, om fa onse Sinden to stoawen. Un wiels de Mensch Onjehursam wia un sich uk schuldich jemoakt haud, sent aule Menschen von Gott jetrant. Un de Stroft doafäa es de Doot. Dise Stroft wull Jesus opp sich nämen, doamet wie met Gott wada kunen Jemeenschoft haben.

Kjint: "Ach soo es daut."

De Rechta musst dee latzte Entscheidnung moaken. Ema wann daut Volkj toom Aunjedenkj daut Fast fieren deeden, daut see mol ut Ägypten frie jeworden wieren, durf een Jefanjna frie jeloten woaren.

Pilatus: "Wäm saul ekj junt dit Joa frieloten? Jesus ooda Barabas?"

Pilatus wull iejentlich Jesus frie jäwen un nich dän Merda, doawäajens fruach hee noch eenmol:

Pilatus: "Well jie leewa Barabas ooda leewa Jesus?"

Volkj: "Wie wellen Barabas! Barabas!"

Pilatus: "Un waut saul ekj met Jesus doonen?"

Volkj:' "Aum Kjriez met am! Aum Kjriez met am!"

Un soo kaum daut dan. Gott sien Sän druach opp sienem veschloagnen Rijen daut schwoare Holtkjriez opp däm Boajch Golgata nopp, om doa bowen to stoawen. Hee haft de Doodesstroft, dee wie vedeent haben, friewelich opp sich jenomen. Sas Stund honk Jesus aum Kjriez un ea hee stoawen deed säd hee dree Wieeda dee aum gaunz wichtichsten sent opp dise Welt.

Jesus: "Nu eset foadich!"

Dan muak Jesus de Uagen to un storf fa de Sinden von dee gaunze Welt.

Un een jiedra waut daut jleeft, haft wada Jemeenschoft met Gott un uk daut eewje Läwen. Jleefst du daut?

Aus Gott sien Sän storf, wort daut medel aum Dach rein gaunz diesta un daut gauf een Ieedbäben soo daut aules scheddad. De Offezia vefieed sich un säd:

Offezia: "Dit es werklich Gott sien Sän jewast!"

Zeowens wort Jesus en een Grauf, waut ut een Stenn utjehakt wia, nenjelajcht, oba hee es nich doa jebläwen, daut scheenste kjemt noch.

Daut vetal ekj die biem näachsten Spell toom horchen.

Persoonen: Eena waut vetalen deit, twee Kjinja, Pilatus, Volkj, Jesus, Offezia

STORIES for CHILDREN by Sister Farida

27. Jesus stoaft aum Kjriez