Malagasy, Dramas: Piece 027 – Maty teo amin'ny hazo fijaliana Jesoa

Home -- Malagasy -- Perform a PLAY -- 027 (Jesus dies on the cross)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

27. Maty teo amin'ny hazo fijaliana Jesoa

Ankizy 1: "Tena mahatsiravina ny fomba namadihan'i Jodasy an'i Jesoa."

Ankizy 2: "Nahoana i Jesoa no namela izany hitranga? Afaka nanafaka ny tenany anefa Izy."

Marina izany, afaka nanao izany izy, saingy ohatran'izay mihitsy ny tokony ho fomba fitrangany.

Ankizy 1: "Tsy azoko izany."

Tonga teto an-tany ny Zanak'Andriamanitra mba ho faty noho ny fahotantsika. Vokatry ny tsy fankatoavana sy ny fanamelohana noho ny fahotana, dia tafasaraka tamin'Andriamanitra ny olona tsirairay. Ary ny fahafatesana no tambin'ny ota. Noraisin'i Jesoa hihatra amin'ny tenany izany sazy izany, mba hanafahana antsika amin'ny vidin'ny fahotantsika ka hamerenana indray ny fiombonana amin'Andriamanitra.

Ankizy 1: "Hay, azoko tsara kokoa amin'izao."

Noraisin'ny mpitsara ny fanapahan-kevitra farany. Isaky ny mankalaza ny fanafahana azy ireo avy tany Ejipta ny vahoaka, dia manafaka voafonja iray ny mpitsara.

Pilato: "Iza no avoakako amin'ny fonja amin'ity taona ity? Jesoa sa Barabasy?"

Te hanafaka an'i Jesoa i Pilato ho solon'ilay mpamono olona, dia i Barabasy. Izany no antony nanontaniany azy ireo indray hoe:

Pilato: "Tianao ve ny hamotsorako an'i Barabasy sa ny hanafahako an'i Jesoa?"

Vahoaka: "Mila an'i Barabasy izahay! Barabasy!"

Pilato: "Ary inona no hataoko amin'i Jesoa?"

Vahoaka: "Homboy amin'ny hazo fijaliana Izy! Homboy amin'ny hazo fijaliana Izy!"

Tena izay no nitranga. Nitondra ny hazo fijaliana teo ambon'ny lamosiny feno ratra ny Zanak'Andriamanitra hatrany amin'ny havoan'i Golgota, mba ho faty eo amin'ny toerantsika. Nanaiky nandray malalaka ny fanamelohana tokony ho antsika Izy. Nandritra ny adiny enina no teo amin'ny hazo fijaliana i Jesoa. Talohan'ny nahafatesany dia nanonona ireo teny manan-danja indrindra teo amin'ny tantaran'ny zanak'olombelona Izy:

Jesoa: "Vita!"

Vita izany.

Avy eo dia nakimpiny ny masony; maty noho ny fahotan'izao tontolo izao Izy.

Izay rehetra mino an'i Jesoa dia hanana firaisana amin'Andriamanitra sy fiainana mandrakizay. Mino izany ve ianao? Rehefa maty ny Zanak'Andriamanitra, dia maizina ny lanitra tamin'ny mitataovovonana. Ary rehefa afaka izany, dia nisy horohoron-tany. Taitra tamin'ny zava-nitranga rehetra ilay kapiteny ka niteny hoe:

Ilay kapiteny: "Zanak'Andriamanitra tokoa io lehilahy io!"

Nalevina tao am-pasana ny harivan'io Jesoa; saingy tsy nifarana teo ny tantara. Mbola ho avy ny tsara indrindra!

Hotantaraiko aminao ny momba izany rehetra izany amin'ny tantara manaraka!

Mpandray anjara: Mpitantara, ankizy roa, Pilato, ny vahoaka, Jesoa, ilay kapiteny

STORIES for CHILDREN by Sister Farida

27. Maty teo amin'ny hazo fijaliana Jesoa