Malagasy, Dramas: Piece 044 – Ilay mpamosavy tao anaty fahatezerana 3

Home -- Malagasy -- Perform a PLAY -- 044 (The witch doctor rants 3)

This page in: -- Albanian -- Arabic -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

44. Ilay mpamosavy tao anaty fahatezerana 3

TiFam: "Neny, manomboka avy ny orana."

Ny reniny: "Tena tsara izany, TiFam, satria manadio ny vovoka ny orana."

TiFam: "Tsy nahita an'i Victor isika. Maty ve izy?"

Ny reniny: "Tsia, tsy mino izany aho."

TiFam: "Saingy nilaza i Dada fa hamono azy ireo fanahy ratsy satria miresaka momba an'i Jesoa foana izy."

Ny reniny: "Mino aho fa mahery kokoa ny Andriamaniny. Aii, ny tongotro."

Nibolisatra ny renin'i TiFam ary narary azy ny tongony. Ahoana re no ahafahany miverina any an-trano amin'izao e? Tao anatin'ny oram-be, no tonga tao an-tranon'ilay misionera izy ireo, ary nandondona teo am-baravarana. Iza no nanokatra izany? Victor! Velona izy.

Victor: "Midira, afaka manamaina tena eo akaikin'ny afo ianareo."

Raha mbola iny teo am-pikarakarana ny tongotry ny reniny iny, dia nitsambikina i TiFam.

TiFam: "Ho faty ianao. Nanozona anao ho faty i Dada. Matahotra aho! Tsy tokony hijanona eto isika."

Victor: "Tsy mila matahotra ianao. Tsy afaka ny handratra ahy ny lahatra satria i Jesoa no Tompoko sady Mpiaro ahy."

Ny reniny: "Victor, nihaino anao aho tany an-tsena. Nino izay nambaranao aho, ary hatramin'izao dia misy fiadanana tato am-poko."

Nahatsara ny reniny ny resaka, saingy mbola natahotra ny rainy ihany i TiFam.

Raha fantany izany... Tena reraka izy ireo vao tonga tany an-trano. Ary vao mainka miharatsy ny toetr'andro. Nifofofofo toy ny oram-baratra ny rivotra ary tsy nitsahatra nirotsaka ny orana. Tondraka mihitsy aza ny renirano, tondraky ny rano ny arabe, ity ilay iray amin'ireo andro izay tsy nahafahan'iza na iza nivoaka ny trano mihitsy. (Misy mandondona ny varavarana)

TiFam: "Iza no ao?" (Feo varavarana misokatra)

Orestil: "Victor, maninona ianao no tonga eto?"

Victor: "Misy tany mihotsaka. Noho ny faharatsian'ny toetr'andro, misy ampahany amin'ny vato niendaka. Mialà ao an-trano, raha tsy izany ho maty tototra ao anaty fotaka ianareo."

Orestil: "Hadalana izany. Mijanona eto izahay. Miaro anay ny fanahy."

Victor: "Tsy afaka manampy anareo izy ireo. Ny Andriamanitra velona ihany no afaka manampy raha te-hino an'Andriamanitra ianao."

Orestil: "Tsy te-handre izany aho. Mialà eto! Mivoahà tato an- tranoko!"

Talohan'ny nandehanan'i Victor dia nampahery an-dramatoa Orestil izy.

Victor: "Ramatoa Orestil, aza matahotra. Andriamanitra no momba anao."

Vao lasa i Victor dia naka ny antsibe lehibe indrindra i Orestil ary nandao ny trano tamim- pahatezerana.

TiFam: "Mijanòna i Dada, aza manao izany!"

Hitohy amin'ny tantara manaraka izany.

Mpandray anjara: Mpitantara, ny reniny, TiFam, Victor, Orestil

STORIES for CHILDREN by Sister Farida

44. Ilay mpamosavy tao anaty fahatezerana 3