STORIES for CHILDREN by Sister Farida(www.wol-children.net) |
|
|
Home عربي |
Home -- Armenian -- Perform a PLAY -- 139 (The King’s invitation 2) This page in: -- Albanian -- Arabic? -- ARMENIAN -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
ԹՈՂԱՐԿՈՒՄՆԵՐ – ներկայացրո՛ւ սա ուրիշ երեխաների!
Թողարկումներ երեխաների համար
139. Թագավորի հրավերը 2Թագավորի կառքն անցնում էր քաղաքի փողոցներով։ Վարագույրներն ու պատուհանները կրկին բացված էին։ Մարդիկ հետաքրքրությամ սպասում էին, որ տեսնեն, թե ինչ է լինելու։ Կին. - Թագավորի սուրհանդակները Լադաբարո՞ւմ։ Սա ցնցող իրադարձություն է։ Հարևան. - Ո՞ւմ են եկել այցելելու։ Միգուցե քաղաքապետի՞ն։ Ի զարմանս նրանց, թագավորական կառքը կանգ առավ այն տան դիմաց, ուր ապրում էր Մեմփիբոսթեն։ Դավիթ թագավորն էր հրավիրել նրան։ Մեմփիբոսթեն չէր հավատում դրան։ Նա՝ կաղ տղան, անտունը, թագավորից հրավեր էր ստացել։ Սա պետք է որ հրաշալի լիներ։ Դու կարիք չունես նախանձելու։ դու նույնպես հրավիրված ես։ Հիսուսը՝ թագավորների Թագավորը, ով հավիտենական է, հրավիրում է քեզ։ Արա՛ այնպես, ինչպես Մեմփիբոսթեն, և ընդունի՛ր հրավերը, նույնիսկ երբ քեզ աննշան ես զգում։ Կաղ տղային տարան թագավորի մոտ։ Դավիթ. - Մեմփիբոսթե՛, մի՛ վախեցիր։ Ես բարություն եմ ուզում քեզ ցույց տալ նույնպես։ Մեմփիբոսթե. - Բայց ես դրան արժանի չեմ։ Դավիթ. - Ես քեզ հողակտոր եմ տալու։ Իմ ծառաները կմշակեն և կհնձեն այնտեղի բերքը։ Այդ ամենը քե՛զ է պատկանում։ Դավիթ թագավորը հրավեր ուղարկեց Մեմփիբոսթեին և նվերներ տվեց։ Հիսուսը՝ հավիտենական Թագավորը, հրավիրում է քեզ և ուզում է քեզ նվերներ տալ։ Նրա նվերներն անգին են՝ ներում, ուրախություն, խաղաղություն, հավիտենական կյանք, այնքան շատ են, որ չեմ կարող թվել։ Արի՛ Հիսուսի մոտ, և Նա կօրհնի քեզ։ Մեմփիբոսթեն երբեք չզղջաց, որ թագավորի հրավերն ու բարությունն ընդունել է, իսկ լավագույնը դեռ առջևում էր։ Դավիթ. - Մեմփիբոսթե՛, ես ուզում եմ, որ ինձ հետ ապրես։ Այսպես էլ Հիսուսը՝ աներևույթ Թագավորը, չի ուզում, որ Իրեն միայն կիրակի օրը այցելես, այլ ամեն օր։ Դու էլ ե՞ս ուզում դա անել։ միշտ քո սրտով և մտքերով Նրա հետ լինել։ Հիսուսը կկառավարի քո կյանքը, և ես չե՛մ ճանաչում Նրանից ավելի լավ թագավորի։ Դավիթ թագավորի հրավերը ամբողջովին փոխեց Մեմփիբոսթեի կյանքը։ Տեր Հիսուսի հրավերը քո կյանքն էլ ամբողջովին կփոխի։ Հիսուսը հրավիրում է քեզ և ուզում է քեզ բարություն ցույց տալ։ Նա ուզում է, որ միշտ Իր հետ լինես։ Ընդունի՛ր Նրա հրավերը։ Դու կարող ես Նրան պատասխանել, մինչ աղոթում ես։ Հիսուս թագավորը լսում է քեզ։ Հերոսներ՝ հեղինակ, կին, հարևան, Դավիթ, Մեմփիբոսթե։ © Copyright: CEF Germany |